英國BNO簽證終於在1月31日正式開始,想必已經有不少香港人已經在申請中。當大家仍在等候結果時間,其實可以開始盤點一下帶去英國的個人物品,但有什麼可以直接帶入境?有什麼不可以?Emily整理了一個懶人包,等大家容易點查閱:
絕對嚴禁入境的物品
物品: | 說明: |
毒品 | 海洛英、嗎啡、 鴉片、古柯鹼、 大麻、安非他命等。 |
槍砲彈藥 | 獵槍、空氣槍、 魚槍、砲彈、 子彈、炸彈、 爆裂物等及刀械。 |
自衛噴霧 | 胡椒噴霧和CS氣體 |
動植物 | 活體、標本、種子, 未經行政院農業委員會之許可皆不得入境。 |
盜版商品 | 侵害專利權、商標權及著作權之物品。 |
假鈔 | 偽造或變造的貨幣、有價證券及印製 偽幣印模。 |
不雅和淫穢材料 | 書籍、雜誌、電影、視頻、DVD和軟件。 |
未加工的鑽石 | 鑽石原石 |
電子煙 | 含電熱式煙草、IQOS煙彈、Ploom Tech電池皆不可攜帶 |
禁止入境的食物
種類: | 說明: |
肉類 | 豬、牛、羊、雞等肉類,不論是香腸、臘肉、真空、乾製品、罐頭或 含肉成份的零食,一律禁止入境。 |
鮮奶、乳製品 | 奶 或 含奶類的食品,一律禁止入境。 |
蔬菜、水果 | 大部分蔬菜和水果都不能攜帶入境 或 必須持有有效『植物檢疫證書』才可入境。 |
有限度可以入境的物品
食物
種類: | 說明: |
海產 | 新鮮魚類必須除去內臟才可入境。 乾製品、煮熟、醃製、熏製等加工處理後的製成品可以入境。 例如:干貝、鮑魚干、魚翅 總上限20公斤。 |
其他動物製品 | 蜂蜜、去除內臟的田雞、蝸牛肉 和 活貝類,限2公斤。 |
奶粉 | 配方奶粉、含奶類的嬰兒食品,限2公斤。 |
蔬菜、水果 | 菠蘿、奇異果、椰子 柑橘類水果,例如:橙、檸檬、酸檸和西柚 金橘、柿子、榴蓮、咖哩葉 香蕉/大蕉、芒果、棗、百香果、番石榴, 已加工並包裝好的植物產品,例如:沙律或急凍植物材料, 已去皮和加工的堅果或堅果製成的醬。 |
農產品 | 某些穀物,如:大米 |
黃金與現金 – 超過限額的部分將會被沒收
物品: | 說明: |
黃金(投資性) | 個人擁有的投資性的黃金(金條/金幣)是不設上限, 須向海關申報,攜帶證書和單據入境。 需要支付的稅項是以個人利得稅Captial Gains tax來計算。 20/21年英國利得稅的免稅額是 £12,300。 |
現金 | 不能超過£10,000 或 相同面值的外幣,需向海關申報。 |
支票 | 旅行支票、其他支票、本票、匯票等, 面額逾等值£10,000,需向海關申報。 |
煙酒 – 免稅的限額
煙酒免稅額只適用在17歲或以上的人士,如17歲以下人士攜帶煙酒入境,將會被徵收VAT和關稅。
物品: | 說明: |
煙 | 香煙200支、小雪茄100支、雪茄50支或250克煙絲。 |
酒 | 4公升烈酒(22%酒精度)、9公升加烈酒(酒精度低於22%)。 |
藥妝
禁藥:但凡含有麝香、蟾酥、虎骨、犀牛角、牛黄等一律嚴禁入境,例如:白鳳丸、雲南白藥、西瓜霜、牛黄解毒片
物品: | 說明: |
處方藥 | 可參考受管制藥物分類列表 註冊醫生開出的藥,需醫生紙作證明,可攜帶3個月份量。 超過3個月份量須持有『Personal Licences』。 |
成藥/保健品 | 每種至多12個單位(盒、罐、條、支), 合計不超過36個單位為限。 |
中藥 | 附醫療證明文件, 3個月用量為限。 |
隱形眼鏡 | 單一度數60副,限制每人攜帶單一品牌和最多兩個 不同度數。 |
針筒 | 必須持有醫生紙作證明 |
電器和個人用品
個人擁有(或親友贈送的禮物)的電器和香水,價值不能超過£390。假如是大型搬遷(移民),可以找物流公司,他們會提供表格(或自行到網站)form ToR01 填寫來進行報關。
詳情可瀏覽:https://www.gov.uk/moving-to-uk
假設大家想以螞蟻搬家的方式,將香港的物品帶到英國,可選擇香港郵政的平郵寄送服務,一般海關對平郵郵件抽查較放鬆(運送需45-60天)。**但注意,任何郵件的總價格超過£39 (HK$400) 是會被徵收關稅和增值稅(VAT)。此外,對以上提及過的物品仍是有限制的。

All-new Amazon Kindle Paperwhite (16 GB) – Our fastest Kindle ever, with new 7" glare-free display and weeks of battery life – Without Ads - Black
£169.99 (as of 21/04/2025 21:46 GMT +01:00 - More infoProduct prices and availability are accurate as of the date/time indicated and are subject to change. Any price and availability information displayed on [relevant Amazon Site(s), as applicable] at the time of purchase will apply to the purchase of this product.)Blink Whole Home Bundle: 1 Outdoor Camera + 1 Mini 2 Camera + 1 Video Doorbell + 1 Sync Module | HD Video, motion detection, Alexa enabled
(as of 21/04/2025 21:46 GMT +01:00 - More infoProduct prices and availability are accurate as of the date/time indicated and are subject to change. Any price and availability information displayed on [relevant Amazon Site(s), as applicable] at the time of purchase will apply to the purchase of this product.)Blink Outdoor with two-year battery life | 4-Camera System (Black) + Blink Mini 2 (Black) | HD Smart Security camera, motion detection, Alexa enabled
(as of 21/04/2025 21:46 GMT +01:00 - More infoProduct prices and availability are accurate as of the date/time indicated and are subject to change. Any price and availability information displayed on [relevant Amazon Site(s), as applicable] at the time of purchase will apply to the purchase of this product.)Ring Battery Video Doorbell (2024 release) | DIY Wireless Video Doorbell Camera I Head-To-Toe View, HD Video | Easy to install (5 min) | With Built-in Battery I 30-day free trial of Ring Home
£59.00 (as of 25/04/2025 17:35 GMT +01:00 - More infoProduct prices and availability are accurate as of the date/time indicated and are subject to change. Any price and availability information displayed on [relevant Amazon Site(s), as applicable] at the time of purchase will apply to the purchase of this product.)
還有其他英國新聞簡報,可以Follow 大英小事 Facebook
喜歡這編文章的話,給個like或分享到Facebook
⬇︎⬇︎⬇︎⬇︎⬇︎⬇︎⬇︎⬇︎⬇︎
28/12/2023 at 上午 5:47
請問入境英國可以帶拜拜的”香”嗎?
01/01/2024 at 下午 4:34
你好YoYo,不好意思我查不到相關資料,但是英國唐人街可以買到,我自己很多年前帶過一次,就一小包。
25/08/2023 at 下午 6:44
你好, 請問精油,按摩油可否船運到英國?
TOR可否填日用品?
建議放在同一箱中還是分開放?
謝謝
19/09/2023 at 下午 8:39
你好BoBo,之前有人問過類似問題,我本人都帶過精油過關同郵寄。其實英國海關比較人道,你如果唔係什麼特別或過量佢地都會隻眼開隻眼閉。亦好多時睇運數同機場。TOR通常用在大件物品,我唔清楚你指邊類日用品。我本人會建議分開放,萬一違失起碼唔會一鋪清袋。希望幫到你 🙂
12/07/2023 at 上午 10:47
請問石膏粉,大地魚粉,蟻粉可否寄艙?英國違禁品好像沒有這些
15/07/2023 at 下午 10:25
Hello Noerulai,石膏粉和大地魚粉可以寄艙,一定要有包裝說明以防海關抽查。至於蟻粉,恕我孤陋寡聞唔識????️,如果係用來殺蟻,英國很多地方可以買到。希望幫到你 🙂
27/12/2022 at 上午 12:48
你好,請問可唔可以帶六味地黃丸,銀翹解毒片,藿香正氣丸,川貝枇杷膏入英國境?
03/01/2023 at 下午 8:27
你好Derek,我只係會建議你帶川貝枇杷膏,其它未係英國見過,我自己亦無帶過。希望幫到你 🙂
31/01/2023 at 下午 1:08
你好,我想問係Daiso/Living plaza買果啲粉狀/液狀嘅過碳酸鈉可唔可以入英國境㗎?
02/02/2023 at 下午 3:24
你好Water,我自己就未有呢個經驗亦都無買過。我估係蘇打粉,英國有得買而且唔貴。我都上網幫你查過,好多人都話可以入境(如果係蘇打粉)。希望幫到你 🙂
10/12/2022 at 下午 7:49
你好 想問下 (法國雙飛人藥水) (黃道益, 活絡油) (喇叭牌正露丸) (蜆殼胃散)
呢4樣產品可唔可以帶入境英國 請回復 Thank You
03/01/2023 at 下午 8:29
你好Tony,雙飛人藥水和喇叭牌正露丸可以,因為我自己都經常帶,其它就無試過帶。不過我屋企人試過郵寄活絡油俾我,一次咁多。希望幫到你 🙂
30/11/2022 at 上午 4:38
Emily, 你好! 我黎緊12月中飛過英國探家人,
有以下物品寄艙帶去:
花旗參(已切片)、大南杏1斤、元肉1斤、百合1斤、蓮子1斤、准山半斤、芡實半斤、蜜棗1斤、參片2斤、補湯包x4、川貝鱷魚肉湯包、龜板土茯苓湯包海底椰咳水1支、秋梨枇杷蜜2支…等等
手提行李:
Apple AirTag x 4
Dji 無人機連鋰電池
請問有什麼建議?
30/11/2022 at 下午 8:36
Hi Bernard,
我建議你查清楚以上的物品,都必須不含肉類(包括已加工的)。而所有可入境的食物,以真空包裝處理和附上英文成份說明。
希望幫到你!
17/11/2022 at 上午 7:31
你好,我想問咁乾花花束又可唔可以入境英國呢?因為我打算帶去求婚用。
18/11/2022 at 下午 2:40
你好LeeC,據我了解係可以,詳情可以睇這裡,最主要係要睇D花是否屬於限制類別,詳情睇第7頁。希望幫到你 🙂
20/11/2022 at 下午 1:28
請問麵包嘅蒜蓉醬(日式要冷藏10度以下,是乳製品)同埋飲用亁菊花,唔可以寄去英國(平郵或是空郵有無分別)
20/11/2022 at 下午 6:58
你好Tony,因為需要冷藏所以唔可以郵寄來英國。飲用乾菊花可以郵寄。平郵會比空郵慢非常多(當然價錢會便宜很多),不過被抽查機會亦都少很多。希望幫到你:-)
07/11/2022 at 上午 6:28
請問黑版辛辣面有牛肉調味粉,是否可帶入境?謝謝
07/11/2022 at 下午 5:40
你好Sun,嚴格照法例來講係唔可以。不過英國都有得買,可以考慮來英國買,留返D空間俾其他重要物品。希望幫到你 🙂
04/11/2022 at 下午 3:27
想請教鋰電池是否可以跟隨身行李入境英國?
05/11/2022 at 下午 2:11
你好SiSa,入境係無限制,限制係來自航空公司,而且每間都唔同,不過大多數都係唔俾上機,建議你致電航空公司詢問。希望幫到你 🙂
03/11/2022 at 下午 1:05
你好Emily, 查閱左舊Comment, 找不到答案, 知道英國對中藥材規管比較嚴格, 想問有關中藥材寄艙既資料, 主要係屋企人黎緊想帶1斤高麗参來英探我.
另外GOV.UK 邊到可check 到邊D 中藥材係禁運/受管, 日後想自己睇唔洗樣樣問人.>.< 先謝!!
03/11/2022 at 下午 6:02
你好KK,據我了解,高麗蔘屬於植物而且係有根植物,所以唔可以入境,除非你可以出示“植物檢疫”(植物健康)證書。詳情可以參考這裡。
我會建議你將佢切片跟住用真空包裝先再帶過境。至於禁運中藥材就無詳細列表,但係你可以參考官方網頁。
希望幫到你啦 🙂
02/11/2022 at 下午 2:05
妳好!我會用Tor 1申請家當,而我有拾多年不同口味陳年茶葉大約10Kg,想問如何何寄到英國?如果跟家當船運是否要Tor1申請?又還是我坐機放行理喼寄艙?要唔要申報?
02/11/2022 at 下午 2:48
你好大寶,茶葉係可以入英國,我都帶過唔少。你可以郵寄或者寄艙都得,如果可以將佢地放入抽真空包裝更加好。唔使申報。希望幫到你 🙂
26/10/2022 at 上午 6:38
可以帶果醬放行李入境嗎?
27/10/2022 at 下午 1:54
Hi Ho,
理論上是可以,因為果醬內的水果已煮過或加工過(要注意攜帶數量)
但建議你無須自己帶果醬入境,因為英國有很多很好質量又便宜的果醬,這裡更可買到由農場出產的Handmade果醬(上網就可以買到)。
20/10/2022 at 下午 10:28
你好,想問下老人家想買葯油,例如活絡油之類,大約12支左右(預1個月用1支),算不算有中葯成份? 不知道可以寄嗎?
23/10/2022 at 上午 7:10
hi Kenny,
一般來說,活絡油應該含易燃成份,所以郵寄係唔允許。另外很多中藥成份為禁藥,所以要小心查證先好帶入境。
19/10/2022 at 下午 9:41
我係一個化妝師, 想帶埋 d 化妝品 及set 頭工具過去, 大槪有2 箱左右。 可以寄嗎?
20/10/2022 at 上午 11:59
你好reg,你如果係一次過寄家當來英國就直接用TOR申報,咁樣就比較保險。希望幫到你 🙂
19/10/2022 at 上午 1:25
你好,我有大約50支指甲油,自用,跟行李寄艙得嗎?謝謝
20/10/2022 at 上午 11:56
你好Amy,我估你50支指甲油係全部開左,只作個人使用,就無問題。希望幫到你:-)
27/09/2022 at 下午 5:25
Emily, 妳好! 我人在英國,家人寄蝦干,螺頭給我, 請問用那種運送方法最好,不趕用的。
08/10/2022 at 上午 1:31
你好,如果唔趕,用船運就最好。
13/10/2022 at 下午 8:49
妳好!剛剛上香港郵政網看看寄運資料,看到投寄郵件往英國….等國家須提交電子報關資料,我未曾做過也不太明白,請問寄船運是否也要提交電子報關資料?
14/10/2022 at 上午 11:15
你好Michelle,船運都需要提交電子報關資料。
17/10/2022 at 下午 2:55
Emily, 妳好!
因我們全家都是睇中醫飲中藥,想買大量中草藥自用,請問寄大約15-20kg不同品種中草藥(會連同小量衣服)寄運英國用什麼方式寄運最好?
另外朋友聽説用UPS寄運英國,叫我試試,及可用TOR免稅,但也有些朋友說搵UPS這類公司寄中草藥海味..可能風險更高,請問是嗎?
18/10/2022 at 下午 8:11
你好Michelle,中草藥要小心因為很多中草藥在英國都屬於禁用(這是在英國的中醫告知我)。至於UPS係非常極高機會被查,有可能連寄都唔俾你寄,因為佢會check你pack箱。TOR係用來轉運大型移民物資,並唔適用中草藥。我會強烈建議你唔好寄。希望幫到你 🙂
21/09/2022 at 上午 9:51
hi你好,家中有一個神像,做過宗教儀式,所以像入面有d草藥同宗教材料
就咁運我驚比人當運毒,但我又唔清楚入去有咩實質草藥,又唔知點申報
請問我應該點寄會好d?我無理由一移民就成個神像掉咗佢架嘛…唔知點做好
22/09/2022 at 下午 8:08
你好eva,我會建議你拿出入面d草藥查清楚D,真係唔好冒險。
17/09/2022 at 上午 7:12
你好,想一下個人物品總值390問題,我去英國旅行2星期,帶電腦,相機,一點海味,還有一點自用醫生證明的禁藥,是否已經超過總額,謝謝
還有申報是否只雖申報禁藥,及醫生證明沒有提及時間及國家是否沒用.
謝謝
17/09/2022 at 下午 1:35
你好Garfie,如果係禁藥就一定要帶醫生紙解釋,一定要係正式醫院文件。至於自用電器一般係唔需要申報,因為二手係唔值錢的。
11/09/2022 at 上午 5:10
你好請問搭機寄艙行李帶罐頭鮑魚、干貝、少許當歸寧記麻辣樽裝醬料、豬肉乾在機上吃不完放在背包可以嗎
16/09/2022 at 下午 11:45
你好Jean,凡是肉類都不可以入境,但是至於有沒有被查就要睇你運氣 🙂
07/09/2022 at 下午 10:59
上星期我已到埗英國,想問我仲有一個藍牙無線keyboard(內有不能拆除的小鋰電池),一個拍攝用的三軸穩定器(也是有鋰電),這兩件東西要如何寄往英國?
09/09/2022 at 下午 12:37
你好Hong Sir,其實有鋰電池係唔可以郵寄,可唔可以從新買。如果你想搏,我會提議你用船運。
01/09/2022 at 下午 6:26
請問船運或DHL幾盒自用的防曬粉, 液體的護膚品到英國可以嗎?
04/09/2022 at 下午 7:53
你好Angel,因為護膚品屬於化妝品所以需要交稅,所以我唔會建議你用DHL,如果你想博就考慮船運會穩陣D。
26/08/2022 at 下午 5:04
我下週移民往英國,蝦乾及乾瑤柱各2斤,可寄倉嗎?要報TOR嗎?
26/08/2022 at 下午 8:02
你好 HongSir,海鮮乾製品可以,不過最保險係真空處理,再加貼英文標籤。寄艙就可以,不用TOR。希望可以幫到你 🙂
25/08/2022 at 上午 9:13
請問可以帶奶黃月餅入境嗎?
26/08/2022 at 下午 2:00
你好Kami,因為有蛋,所以不可以。
24/08/2022 at 下午 2:17
你好啊 本人已經在英國 想問如果在港朋友想寄隱形眼鏡比我 大概 (15-20對 )平郵寄英國可以嘛??還是什麼方法會好一點?謝謝你
24/08/2022 at 下午 3:11
你好Joyce,我會建議你用平郵(船運)寄英國,呢個係最保險方法。希望幫到你 🙂
11/08/2022 at 上午 11:52
你好呀,想問下自己帶PS4意思係咪手提上機定寄艙都ok?
不能超過390係指總值定單值。
另外因為想帶d沖劑過去(茶/其他飲品)係咪都寄艙就ok?
申報方面係拎咩過去就要報哂定係手提個堆only?
好多問題,麻煩你了!
11/08/2022 at 下午 1:14
Hi Clvie, 我會建議你PS4寄艙。390係指總值。沖劑或其他飲品都係建議寄艙。申報方面係申報所有行李。 希望解答到你 🙂
10/08/2022 at 下午 11:23
Hi Emily,
請問英國入口染髮劑有無規限 ? 要否申牌照 ?
謝謝
11/08/2022 at 下午 1:11
Hi Elaine, 我唔清楚你係唔係入口來做商業買賣,牌照應該唔使,但係英國有好嚴格化妝品法例必須遵從,詳情可以參閱這裡。你亦可以參考這裡關於入口資訊。 希望幫到你 🙂
22/09/2022 at 下午 2:19
Hi Emily, 謝謝你回覆.
06/08/2022 at 下午 4:20
Emily, 你好
如果用香港郵政平郵乾貨(紅棗、杞子、冬菇、黨參……等等)到英國,揀選”禮物”後,詳細內容欄應該填什麼呢?請指教
06/08/2022 at 下午 5:27
你好Anita,我通常填麵,衣服和日用品之類,你最好唔要成箱都係乾貨,要夾雜其他日用品。
06/08/2022 at 下午 3:27
Hello,想請教如果我用Hk post 寄船運或空運,寄染髮劑可以的嗎?
06/08/2022 at 下午 5:25
Hello Swil, 我都試過用船運寄兩盒染髮劑。空運我就唔會建議。 🙂
06/08/2022 at 上午 9:17
你好,請問去英國可帶象牙筷子(自用的)入境嗎?另我買了一個要usb充電的點火器,能帶上機或郵政寄去英國嗎?
06/08/2022 at 上午 9:56
你好May,只要唔係轉售或出售,自用象牙筷子係可以入境,詳情可以參閱這裡。至於usb充電點火器,因為入面有鋰電池,唔可以郵寄或者帶上機,我會建議你寄艙。希望幫到你 🙂
22/07/2022 at 下午 12:04
你好,請問可用郵政寄電器嗎?
23/07/2022 at 下午 7:46
你好,我試過寄攪拌機,電飯煲之類。
13/07/2022 at 下午 7:01
你好Emily!
請問如果人已在英國,想找親友經香港郵政用TOR代寄餘下家當,請問在投寄易網上報關的時候,寄件人姓名和聯絡方法是本人還是可以寫親友的?
謝謝你!
13/07/2022 at 下午 7:58
你好Kiki,TOR係以你自己資料係英國官網申請,因為地址聯絡方法係以英國居住地。如果你親友需要報關的話,只需要你提供個unique reference number (URN)。希望可以幫到你 🙂
06/07/2022 at 下午 12:03
你好Emily, 不好意思,想請問一下寄艙行李可放乾貨,如羅漢果、乾瑤柱、冬菇、無花果、蝦米等嗎?需要報海關入境嗎?
06/07/2022 at 下午 4:43
你好Moon,我自己就試過帶而且無報關。但其實如果揸正來做就基本都要報關。你要自己衡量。
只有以下列表不受限制,詳情可以參閱這裡:
04/07/2022 at 上午 4:01
你好!
八月去英國,hand carry 醫生處方的血壓藥, 但數量多過三個月,有醫生寫的病歷,列明所需資料,也我問過apply personal license 的uk的 dflu.ie , 說血壓藥不是controlled drugs!
這樣,如果入境過闢會吾會有問題呢?
04/07/2022 at 下午 7:49
你好Alex,你如果有醫生紙和病歷就記得隨身攜帶,一定要係英文,如果海關人員查問就show俾佢地睇。如果擔心,可以按這裡查看詳細列表。
02/07/2022 at 下午 7:14
我是移民往英國,用LOR帶家檔入境,是不是我海運與跟身的行李一概要填LOR?
我可以海運加跟機之餘,再加入其他郵寄公司?如香港郵政可以嗎?
03/07/2022 at 下午 7:42
你好, 你應該係指TOR,所有東西可以一次過填TOR,所有郵寄速遞公司都適用,包括香港郵政。詳情可以參閱 這裡。
26/06/2022 at 上午 7:24
想寄隱形眼鏡去英國,可用空運嗎?報關填怎樣填?
28/06/2022 at 上午 6:56
你好,我自己試過寄空運普通眼鏡,被人收稅,所以我建議你唔好寄空運。
24/06/2022 at 上午 4:00
唔覺意pack左一罐五餐肉+2罐五香肉丁入箱兼封左箱寄船運,如果被發現除了充公外,要罰款嗎?
24/06/2022 at 下午 7:16
你好,
之前試過寄空郵因為總銀碼寫太大,被ParcelForce開箱,入面有午餐肉之類的罐頭,但無被充公,只係補番關稅同埋手續費。
哩個係我的個人經驗,我認為他們不會仔細究竟物品是什麼,相信唔會被罰款。
希望幫到你!
21/06/2022 at 上午 5:26
請問可以直接隨身帶 2kg 的芒果上機入境英國嗎? 看規定似乎可以,擔心自己理解錯誤….
21/06/2022 at 上午 9:01
你好,
英國是嚴格管制新鮮蔬菜和水果入口的,沒有『植物檢疫證書』的蔬菜水果是不能入境。
但已加工過並包裝好的就可以,例如:芒果乾、菠蘿乾、脫水蔬菜片等
希望幫到你!
21/06/2022 at 上午 3:49
請問從台灣入境英國可以直接帶兩公斤內的芒果在隨身行李嗎? 我擔心我理解得不正確, 謝謝你
21/06/2022 at 上午 9:01
你好,
英國是嚴格管制新鮮蔬菜和水果入口的,沒有『植物檢疫證書』的蔬菜水果是不能入境。
但已加工過並包裝好的就可以,例如:芒果乾、菠蘿乾、脫水蔬菜片等
希望幫到你!
17/06/2022 at 上午 8:48
你好呀,因為本人有露營嘅嗜好,家中有露營用品想移英時帶埋過去,不過當中有少量幾把露營萬用刀,請問可以入境英國嗎??
如可入境,可以隨家當入箱船運到英國?還是要離港當日跟隨行李寄倉過去??
多謝解答~謝謝~
21/06/2022 at 上午 9:16
Hi Ching Jai,
存放萬用刀在寄倉行李是不受限制,但要小心確保收好沒有打開(以免傷到人)。
反而郵寄就被禁止,包括:刀、鉸剪、剃刀等都唔寄得,為免被人開箱查,都係寄倉比較好。
希望幫到你!
14/06/2022 at 上午 7:10
請問 鹹魚 / 即食魚肉腸 (零食) 可以帶到英國嗎 (hand carry)?
14/06/2022 at 下午 7:06
你好,魚類製品可以限帶20公斤。以下內容取於gov.uk。 希望幫到你 🙂
You can bring in up to 20kg per person in total of fish, including:
18/07/2022 at 下午 11:52
請問果皮可以寄郵政嗎?
19/07/2022 at 上午 11:20
你好,可以,我屋企人寄過幾次陳皮俾我。
09/06/2022 at 下午 2:45
金幣銀幣進入英國要報關嗎?若要手續如何?
12/06/2022 at 下午 3:04
你好,
移民英國,理應在離開香港前,將全部家當進行一次TOR1申報。金幣銀幣同樣要在TOR1內申報,申報為個人收藏品。
網上TOR1填表:
https://www.gov.uk/guidance/application-for-transfer-of-residence-relief-tor1
15/06/2022 at 上午 8:29
因為要帶埋主子入英國,故要在荷蘭搭渡輪往英國…
16/06/2022 at 下午 8:15
你一樣要報,如果唔係捉到就好麻煩。
19/04/2022 at 上午 10:36
Emily, 你好想請問帶中藥粉去英國, 寄艙得唔得, 我大約有20樽左右, 謝謝!
19/04/2022 at 下午 8:20
你好Ming,20樽就有小小離譜,我唔會建議。本身英國對藥材是有很嚴格規限,如果海關查到應該會好麻煩。如果真係非寄不可,我會建議你用平郵船運。希望幫到你 🙂
06/04/2022 at 上午 1:01
請問中草藥 (一般家用煲涼茶,例如:夏枯草, 冬瓜去濕料, 沙蔘, 玉竹, 准山….)可以郵政空運/船運嗎?
06/04/2022 at 上午 10:54
Hello Michelle,我自己未試過用空郵,我只會用船運,一次寄一大箱用品食物,大概30公斤。希望幫到你:-)
27/06/2022 at 上午 8:19
你好, 請問你這樣寄寫詳細DRIED FOOD都是會有風險嗎? 如果我是第一次寄船,幾十箱家當一齊寄咁, 其中一箱是乾貨得唔得?
28/06/2022 at 上午 9:32
你好Penny,千萬不可以寫FOOD,一定會被查。如果一次寄幾十箱亦都一樣有極高風險,我試過一次寄兩箱都被查。
19/08/2022 at 上午 8:16
請問一箱30kg有被課稅嗎?課多少錢稅?
19/08/2022 at 下午 7:51
你好,我在英國這麼多年好像就一箱被稅過,大概£120,而且是20年前的事了。
04/04/2022 at 上午 9:53
hello emily 請問你係咪曾經用過船運寄個有肉類嘅湯包過嚟英國? 同埋想問如果啲豬肉乾我拆咗個包裝用保鮮袋裝住再用船運會唔會可以寄到?
04/04/2022 at 上午 10:38
Hello Heiki, 有肉類湯包就未試過,不過試過普通湯包(入面含紅棗,百合,南北杏之類)。豬肉乾就經常寄,上個星期先收到一箱(俾張實圖你睇)。不過我唔會建議你拆包裝,因為包裝起碼有抽走D空氣,自己保鮮袋無咁好。希望幫到你 🙂
30/03/2022 at 下午 7:54
你好Emily,
我想問關於空運乾貨嘅問題, 以下乾貨可唔可以空運寄到英國? 全部抽真空包裝寄, 因為家人同朋友有需要。
– 日月魚(或叫明目魚)
– 鱷魚肉
– 蠔豉
謝謝你。
31/03/2022 at 上午 9:09
你好Kenneth,食物係唔可以空運入口,英國對食物入口係有非常嚴格規限。希望幫到你 🙂
27/03/2022 at 下午 2:03
請問帶戶外萬用刀(牌子:Leatherman Charge+ TTI ) 放寄倉行李可以嗎 ?
28/03/2022 at 下午 12:04
Hi Michelle, 可以寄倉 🙂
23/03/2022 at 上午 3:53
我想請問「個人擁有(或親友贈送的禮物)的電器和香水,價值不能超過£390。」,呢個係成箱野都不能超過呢個數,定係我個 item 唔可以過 £390? 即係例如我有 30 件衫 5 對鞋 2 本書,咁係呢隻三 set 野唔可以過 £390,定係衫 < £390,鞋 < £390 同埋書 < £390? 謝謝你呀
24/03/2022 at 上午 6:39
你好Ocean,£390係成箱總值。英國海關D規定係想防止人地運物件入來買賣避開稅收,你如果自用d嘢通常已經係二手或者陳舊,唔會用新貨價錢去定義。英國海關亦都好人性化,唔會亂為難D
人,除非太離譜,例如一樣嘢有幾件相同,根本解釋唔到唔係用來買賣。希望幫到你:-)
17/03/2022 at 上午 4:05
想請教你,原樽大地魚粉,咖啡粉膠囊,呢啲係咪都唔寄得? 同埋想請問下你用邊一間速遞寄丫? 謝謝你
之前寄過兩三次都用唔同agent 公司book位(FedEx/UPS),點知今次因為香港疫情關係,件貨停左系agent 度,之後佢照x ray話我呢啲野系違禁品,唔幫我寄,香港寄返香港要我比$400🤦🏼♂️
17/03/2022 at 上午 10:56
Hello Bigkei, 其實嚴格來講同食物有關都係唔俾寄,我屋企人就全部用香港郵政(寄船運),唔會經過任何agent。FedEx/UPS通常都係寄空運,查得非常嚴厲,所以我唔會建議。
用香港郵政自己上網填表,自己pack箱就得,詳情可以瀏覽這裡
13/03/2022 at 上午 8:41
Hello Emily, 睇完晒啲留言都想再請教下,如果平郵寄野到英國,最safe除咗dried food, used clothes, used household stuff仲有邊啲字係安全?同埋就咁寫呢啲items唔好再細分就最好?
好多謝你解答先,見你覆咗幾百個留言覺得你好有心👍🏻👍🏻
13/03/2022 at 上午 8:46
同埋要寫gift同價值少於Hkd 400?
13/03/2022 at 上午 10:22
Hello Jenet,多謝你支持。我會建議你唔好寫任何關於食物的字眼,我屋企人寄俾我通常寫clothes,gift,grocery,價格唔會填超過500港紙。風險一定有,如果查到都係補交稅,我屋企人寄左超過20年都係咁,只是俾佢查到兩次咁多,無沒收,只係補好少稅。如果寄空郵就寄一次查一次。希望幫到你 🙂
15/03/2022 at 上午 2:32
Hi Emily 想請教一下 想寄鹹甘桔 已抽水真空 另外仲有果皮茶葉 船運/寄艙會比較好?
15/03/2022 at 上午 11:52
Hello 祖祖,我屋企人寄呢D全部用船運。果皮茶葉如果份量唔多可以考慮寄艙,因為重量輕。希望幫到你 🙂
15/03/2022 at 上午 8:29
非常多謝你解答🥰🥰
11/03/2022 at 上午 5:58
請問鋰電小型電器(例如:檯燈, 玩具, i-phone, i-pad等等), 是否不能船運? 另外, 跟身帶上機有沒有限件數?
11/03/2022 at 下午 12:12
Hello Winnie,照官方網站信息係唔可以寄任何有鋰電的物件,例如iPhone等等。不過我屋企人經常用船運寄呢D俾我,要提醒你有一定風險。跟身帶上機是沒有限件數,如果過海關有被海關人員扣查,只要你證明不是用來做商業買賣而是自用就得, 例如沒有包裝之類。希望幫到你 🙂
10/03/2022 at 下午 2:36
您好~
請問中藥材像是當歸、薏仁、枸杞、芡實、茯苓、淮山、蓮子、薏苡仁等常見中藥可以寄空運嗎?
謝謝
10/03/2022 at 下午 7:59
你好Vivian,空運就真係最好避忌下,因為真係check得好嚴,好大機會俾沒收。我屋企人都寄過這些俾我,不過全部係船運。希望幫到你 🙂
10/03/2022 at 上午 1:21
請問海味乾貨如花膠,冬菇,干瑤柱等寄船運跟大貨走,要寫清楚內容嗎或寫什麼名稱(英文),
10/03/2022 at 上午 8:06
你好Chilly,我屋企人寄這些東西俾我通常就唔會寫詳細,只會用日用品和禮物。
08/03/2022 at 下午 5:31
Hi Emily,
想問下係咪所有液體或酒都唔唔可以空郵?因為想寄玫瑰露酒 🙂 Thanks
09/03/2022 at 上午 10:25
Hi Fung, 正確,因為空郵查得非常嚴厲。 玫瑰露酒英國有得買。
04/03/2022 at 上午 4:02
Hi Emily, 請問消毒酒精噴霧可以寄船? thanks
04/03/2022 at 下午 9:16
Hi Gary, 我自己有試過用寄船方式寄來英國。不過其實英國都好多地方有得買。
22/02/2022 at 下午 11:34
Emily, 你好
請問寄平郵用郵件清關易時,物品詳情是否必須按網頁pre-set左既選項?可否自己填寫 (例如 : Daily product/ gift等) ?但自己填寫後漏空貨物編號是否可以?
另外,如寄滴雞精等保健品,物品詳情應選擇那項?
感謝你!
23/02/2022 at 下午 3:38
你好 May,
填寫物品時,無須根據選項,可以自己填寫而無須提供貨物編號。至於滴雞精,佢係含有肉成分的食品,如照實寫上報關表,有可能入不到境。
希望幫到你:-)
25/02/2022 at 下午 3:57
Emily 你好
請問如果我幫朋友帶兩隻勞力士去英國
在香港和英國的 關口需要報稅嗎?
25/02/2022 at 下午 4:25
你好Andy,如果你係當全新有盒咁帶入境就當然要報稅,可以用此表格。但係你如果想以個人資產就要填TOR1表格。
希望幫到你 🙂
11/02/2022 at 上午 8:39
Emily妳好,請問我將電器,用品…全放入行李箱,紅白藍袋,自攜上機及飛機寄倉,需要填TOR 1嗎 ? 謝謝 !
11/02/2022 at 下午 2:42
你好Rachael,你可以自由選擇,不過如果數量多就填,會放心D,不過要記住TOR淨係可以用一次。希望幫到你:-)
02/03/2022 at 上午 6:16
TOR 請問衹能用一次是什麼意思?
02/03/2022 at 下午 7:20
TOR是給移民來英國的人使用,即是用來向英國海關申報家當以免去相關稅收,所以只能夠用一次。
05/02/2022 at 上午 8:04
請問Emily, 我打算帶2部電話, 1部手提電腦(個芒裂左), 1部平板(好多花痕), 1部switch, 1個外置monitor. 佢地點計超吾超390鎊? 尤其兩部電腦會吾會比人收稅?
另外打火機係可以隨身帶1個?
Thanks!
05/02/2022 at 下午 1:47
你好Danny,呢D全部算係你自用財產,只要唔係拿來商業售賣海關都唔會為難你收你稅,我自己出入英國都會帶兩部電腦。有一點要提你,個芒裂唔緊要,最重要可以開機,因為上機之前有機會叫你開機檢查。火機可以帶,不過一定要過機。希望幫到你 🙂
20/12/2021 at 上午 8:43
你好!
想問如果符合 UK 法例下airsoft (唔係air gun)可以船運嗎?
Many Thanks,
Jack
20/12/2021 at 上午 9:49
你好Jackie,我自己唔係好熟悉airsoft法例,不過如果郵寄運輸需要證明係airsoft同槍頭要有唔同色彩,例如橙色。船運應該無問題。
我在網上找到這篇文,希望對你有用。 🙂
https://www.airsoftstation.com/international-shipping-restrictions-policies/
20/12/2021 at 上午 10:48
Thanks Emily,
因為我搵到依個, 唔知係咪可以應用.
https://assets.publishing.service.gov.uk/government/uploads/system/uploads/attachment_data/file/983345/Notice_to_importers_2944_-_firearms_and_ammunition.pdf
4. Airsoft guns are not considered to be firearms if they are:
• Single shot barrelled weapons designed to discharge only small plastic or part-plastic spherical
missiles of a maximum diameter of 8mm, firing with a maximum kinetic energy of 2.5 joules
• Barrelled weapons capable of firing two or more missiles successively without repeated pressure on
the trigger, designed to discharge only small plastic or part-plastic spherical missiles of a maximum diameter of 8mm, firing with a maximum kinetic energy of 1.3 joules.
anyway, many thanks!!
jackie
20/12/2021 at 下午 9:46
我只是知道英國有好多舖頭有得買,以前有個同學都買過一支。
21/12/2021 at 上午 7:13
ok, many thanks!
12/01/2022 at 下午 11:19
請問隱形眼鏡,清熱酷,蓮花清瘟膠囊可否空郵往英國呢?謝謝。
13/01/2022 at 下午 12:02
你好,我自己試過寄隱形眼鏡同清熱酷,不過寄時數量唔多。蓮花清瘟膠囊就沒試過。
20/01/2022 at 上午 8:45
Hello 想問下啲湯包(未煲)入需有肉係咪都唔得?有啲即食海蜇/即食國可唔可以寄?thank you
20/01/2022 at 上午 11:11
Hello Apple,有肉係唔可以寄。不過你如果選擇搏,我就會建議你寄船,我咁多年來屋企人都寄過好多呢D嘢俾我。
29/01/2022 at 下午 7:19
你好
請問郵寄花旗參片
用香港郵政哪個服務?
請問如何報關😅
謝謝你
29/01/2022 at 下午 7:30
你好Ben,要睇你寄幾多份量,如果細細包就可以直接空郵,或者放入大箱船運就得。
至於報關就用網上清關易,按這裡
希望幫到你 🙂
10/12/2021 at 下午 3:00
你好,
我黎緊準備出發 , 自己將會帶呢幾樣電子野
手提行李會帶 [1部無反相機 , 2支鏡頭 , 1部switch , 1部windows手題電腦 , 1部macbook pro , 1部自己用手機]
寄倉行李會帶 [2個硬碟 , 1部NAS , 1部A4咁大既掃瞄器]
然後有朋友叫我幫佢帶2部IPHONE過去(我會拆包裝) , 請問咁樣過海關會唔會有問題?
10/12/2021 at 下午 4:05
你好Mr Ding,聽你描述應該全部都係二手自己用,咁係無問題。疫情之前我自己出入境都係帶差不多嘢出出入入(除左掃描機)。至於電話,最緊要唔好俾人覺得你係拿來賣就得。希望幫到你:-)
11/12/2021 at 上午 4:40
唔該晒EMILY , 感謝你回覆
08/12/2021 at 上午 4:11
你好,見文章農製品如茶葉不多於2KG, 但我在官網找不到那項,只見海產、奶粉不多於2KG。Curry leaves那些沒有設上限。
可否請你比那個農製品不多於2KG的Link我?
謝謝
08/12/2021 at 下午 8:04
你好Bell,之前的link已經搵唔番。所以我個網頁亦需要更新,多謝你提醒。如果你想知道海關規定,以下兩份文件希望可以幫到你。
帶蔬果種植類進入英國
英國海關邊境傳單
03/12/2021 at 下午 11:25
請問即食麵可寄空運嗎
05/12/2021 at 上午 11:26
你好Carol,空運就未試過,不過會唔會唔化算?因為畢竟英國有很多品種即食麵,如果空運價錢不如在英國買。希望幫到你。
17/11/2021 at 上午 3:13
請問想帶益生菌自用並擺係托運行李入境英國, 是否當補健品? 一家四口是否每人最多可帶12樽? 要否分開篋擺? Thanks!
18/11/2021 at 上午 10:40
你好Jade,如果有標籤註明就可以。至於數量就好難講。其實英國都好多保健產品,而且質量非常好,我經常要買寄返香港俾家人。所以你可以考慮帶其他更加實用的日用品。 🙂
05/11/2021 at 下午 5:14
想問下大家,知唔知道可唔可以攜帶未開既暖包入境呢?🙏🙏
07/11/2021 at 下午 3:14
你好,我自己就帶過,好似無這方面規限。
28/10/2021 at 上午 11:24
你好 我想問一問如果有些外置叉電的電動工具(大約有五件)是否可以帶船運入境
29/10/2021 at 上午 7:58
你好Ken,可以,不過如果貴重可以跟住寄艙,始終寄船有寄失風險。
24/10/2021 at 上午 12:34
英國寄 AA電池和AAA電池同開信刀,可以嗎?
24/10/2021 at 下午 7:55
你好wawa,可以,不過建議用船運。:-)
22/10/2021 at 下午 4:24
請問fish sausage 係咪唔可以寄? 因為要趕係朋友搬屋前寄到, 所以會用郵政空郵….謝謝…
22/10/2021 at 下午 5:18
你好Sam,其實肉類多數唔得,你既然要趕就無辦法,唯有搏下佢唔查你,但你最好要有心理準備被沒收。
22/10/2021 at 下午 2:05
請問我寄東菇,元具,蝦干及其他干貨加埋有5點幾公斤,是否可以叫DRIED FOOD。
加埋其他日用品和兩樽維他命丸,申報銀碼加埋HKD1,500是否都係咁上下。
22/10/2021 at 下午 5:13
Hello Raymond, 我屋企人通常就會寫日用品或禮物,銀碼就通常最多寫400港紙,你寫1500一定比人抽稅。
20/10/2021 at 下午 12:43
希望啦!第一次寄平郵就禁😭
20/10/2021 at 下午 12:55
你可以用 查下去到邊
19/10/2021 at 下午 7:00
我朋友由29/05 寄咗一個20kgs 平郵箱給我,到現在已經差不多五個月都末到,應該已經寄失
20/10/2021 at 上午 10:08
Hello Coco, 可能要俾D 耐心,自從疫情,D郵寄都好多遲左。
14/10/2021 at 下午 1:05
請問可以帶寄濃湯寶嗎?
14/10/2021 at 下午 8:04
你好Heidi,呢D英國有得買,無必要寄。 🙂
12/10/2021 at 上午 9:07
請問可否寄元貝、冬菇黎英國?
12/10/2021 at 下午 5:22
你好Daniel,我屋企人都經常寄來,不過一次數量唔多,都係一兩包。
12/10/2021 at 上午 12:12
明白!唔該晒 Emily!
11/10/2021 at 上午 9:43
唔該你先! 但英國政府網又無講帶銀嘅限制, 唔知點先算多。
11/10/2021 at 下午 7:24
英國入境處係用價格來衡量多少,限制係大概£10000,超過就要申報。
11/10/2021 at 上午 4:39
唔該想問帶銀幣銀條入英使唔使declare?
11/10/2021 at 上午 7:56
Hello Ian,如果數量多就最好declare。
11/10/2021 at 上午 1:36
你好 先好多謝你解答我地既問題 好用心❤️
其實想問最平係唔係去香港郵政寄ems(空郵)同平郵?
如寄陳皮/川貝/海底椰/湯包(乾料未煲)係唔係唔可以寄ems空郵?(因平郵幾個月唔知湯料會唔會壞)雙飛人個d藥油類係咪平/空郵都會寄到?
係唔係寄空/平郵都唔駛每樣材料list出黎?
另外想請問寄過保嬰丹未😜因見有牛黃和麝香成份唔知寄唔寄得
唔好意思好多問題🙏🏻🙏🏻🙏🏻
11/10/2021 at 上午 7:56
你好,多謝支持。我咁多年來都係用香港郵政,搵唔到其他更平。不過我大多數都係用平郵(船運),因為空郵唔平。你所提及的所有嘢我都用平郵(船運)寄過(包括保嬰丹)。我會建議你寄平郵(船運),因為空郵通常要你列明詳細,一列明就好大機會被查。我試過空郵被查。有一點要提及,船運大概係2-3個月。
12/06/2022 at 下午 2:53
Emily想問下,可唔可以寄安宮牛黃丸呢?
12/06/2022 at 下午 3:11
你好,
上網查過安宮牛黃丸的成份,含有牛黃、犀角(即係犀牛角),哩D成份都係違法的,唔可以入境。
10/10/2021 at 上午 4:28
想請教如果有象牙筷子和象牙章可以點運去英國?
10/10/2021 at 下午 1:25
hello Jade,真係無呢方面經驗,但係我覺得如果非帶不可,就擺入行李,咁細樣嘢,你唔講邊個知係象牙。
01/10/2021 at 下午 6:08
Hello Emily,唔好意思又係我😅,想再請教寄平郵個時申報物品既疑問
想問下如果寄啲護膚品(例如爽膚水,con水呢啲物品)係咪建議同其他野一齊寄多過自己獨立寄?
咁如果寄既物品當中係有小食飲品調味料,護膚品,個人護理例如牙刷,你會建議係填晒咁多樣出黎定係就咁寫gift同日用品咁?
02/10/2021 at 上午 8:13
Hello Jacky,我通常係唔會分批,全部一齊擺,填就淨係寫日用品一樣。寫多錯多 🙂
30/09/2021 at 下午 3:13
Emily, 你好!想請教你,香港郵政寄物品到英國,我是已經pack好箱寄出了4箱才知道要申請TOR🤦🏻♀️請問如果我寄送的是4箱28Kg的一直用緊既日常生活用品(衣服呀,玩具呀之類),填表時冇寫到TOR URN係咪就會被收取稅項?
我另外仲有4箱未寄的應該在哪裡寫上URN? 因為郵局職員都話唔知🙏🏻🙏🏻🙇🏻♀️🙇🏻♀️😑
02/10/2021 at 上午 8:11
你好Yamadamiyako,要睇你好唔好彩,如果寄船應該ok,因為查得唔嚴格,仲要睇你填幾多錢。通常TOR係for大件嘢,例如汽車,雪櫃。 我唔知道衣服,玩具需要TOR。希望幫到你 🙂
19/09/2021 at 下午 12:00
你好,我見網上面話寄出前一丁呢啲公仔麵唔可以用國際快遞方式咁寄去英國,想問下係咪得番寄船呢個方式去寄(香港郵政諗都唔駛諗?)
另外,想再請教女士通常都需要啲護膚品/化妝品/藥物(例如喇叭牌,感冒藥)什至個人衛生物品,想問下呢幾類係咪直接空郵寄過去英國都得?萬分感謝
19/09/2021 at 下午 5:25
你好Jacky,公仔麵我屋企人就好經常寄,用香港郵政寄平郵(船運)。至於你話國際快遞,我估你係指速遞例如DHL,就真係未試過,因為價錢好貴,不如係英國買。至於女士護膚品同藥物,我都係用平郵船運。個人唔會建議空郵,因為好易被抽查。
20/09/2021 at 上午 3:49
多謝你幫忙解答呀,最近開始買啲日用品預備寄過去但驚抽查既關係而猶豫梗買左個啲野仲寄唔寄到,而家有左你幫忙解答咁我決定呢幾類野都係寄船就算,萬分感激🙏🏻
24/09/2021 at 上午 5:25
Hello Emily,唔好意思諗起有啲野想再請教下。
早前經你解答左之後決定將啲日用品用香港郵政既船運去寄,我想請教下一啲野,你會唔會將啲食物同啲日用品擺埋同一箱定分開一類型一箱咁?咁填寫寄啲咩物品個時需唔需要寫晒全部箱入面有啲咩係度?同埋想問下如果寄電飯煲既話你建議擺係行李度寄倉定都係掉埋去船運。最後係如果我想拎埋部ps4走係咪得番寄倉呢個方法😅?我見香港郵政話唔俾寄個無線控制器咁
24/09/2021 at 上午 8:23
Hi Jacky,
我屋企人唔會分開種類來寄,因為咁寄會貴D。
填寫物品和價錢時,只會寫大概種類,例如:麵、衣服、玩具,價錢唔會填得咁老實,加起來唔好超過英鎊£39就得。
好耐之前屋企人寄過一個電飯煲比我,當時同其他食物、日用品一齊寄,亦唔會係報關表特別提及,所以須利過關。
我個人比較建議你自己帶PS4,遺失既風險較低。
02/03/2022 at 上午 6:30
請問寄平郵費用多少
02/03/2022 at 下午 7:22
費用是根據物件重量來決定,你可以瀏覽香港郵政查詢
18/09/2021 at 上午 7:02
想問下如果一個小型打邊爐嘅電磁爐跟身check-in會唔會有問題?
因為如你所提及,衣服鞋可以去郵局寄船運嘅話,咁除咗一啲小型電器之外,其實我都冇咩野會寄過去。
如果寄船運嘅衣服裏面夾雜住一兩件小家電,會唔會被查呢?如果郵局寄船運,一次過寄5-10箱(20kg)一箱),大約幾錢呢?
咁係咪每箱價值寫少於500港幣?
感謝🙏🏽
18/09/2021 at 上午 9:22
寄創無問題,我之前係香港帶個電磁爐都係用寄創。寄船好少被查,我20年來未試過被查。不過有一點要留意就係一次唔好寄太多箱,我就儘量一次一箱,每箱30-35公斤(比較抵),大概600港紙,不過最近可能加左價。每次填寫報關紙都係寫少於500港幣。 🙂
03/10/2021 at 上午 11:05
你好,
之前你提議i-mac 跟身check in 好啲,請問如果郵局寄船夾埋啲衫一齊都ok嗎?(因為我要帶部單車寄艙🤦🏽♀️)
另外,我上網睇,有啲for sale嘅apartment 係shared ownership,例如寄25%ownership,咁即係買咗都只係得25%業權?
🙏🏽
03/10/2021 at 下午 12:05
你好Sharon,我個人建議不如賣左佢來英國再買過。iMac船寄真係好危險,好易撞爛。又或者你不如加行李費。至於shared ownership就係最少25%,可以同地產公司商議。有一樣要非常留意就係你要俾租,即係每個月你要俾25%按揭的供款再加租金俾地產公司,通常大概係樓價2.75%一年。所以真係要謹慎。:-)
14/09/2021 at 上午 8:01
你好, 請問可唔可以寄船運罐頭飽魚, 五香肉丁之類, 太約十罐左右? 謝謝回覆!
14/09/2021 at 下午 7:13
你好Diana,可以,我屋企人幾個月前先寄過罐頭鮑魚俾我,記得填表唔好咁老實 🙂
13/09/2021 at 下午 4:30
Hello Emily, 想問下雙飛人同無比滴,呢兩種藥品可以擺係托運行李入境英國嗎?
13/09/2021 at 下午 6:30
Hello,可以,我每次回港都會帶1-2支雙飛人過來英國 🙂
13/09/2021 at 下午 1:42
你好,想請問下帶可否帶散裝紅棗同枸杞入境?謝謝!
13/09/2021 at 下午 2:54
你好,我自己無試過帶,通常都係屋企人寄船過來。我就覺得無問題,因為始終唔係藥或者違禁品,不過包裝最好有英文標籤。希望幫到你 🙂
13/09/2021 at 上午 7:41
你好,想問英國有申縮棍買嗎?如冇想寄過去,咁長怎寄?
13/09/2021 at 上午 9:06
你好,如果你係指伸縮警棍的話,嚴格來講伸縮棍係英國係被列為武器,買賣屬違法,但由於一D漏洞,都會見到可以係網到買。至於寄就好大機會被視為走私武器。英國合法自衛用品只有防狼鐘同無毒噴霧。有一樣要提下,英國街警都無配槍,所以市民有伸縮棍係比較唔合理,最好三思 🙂
10/09/2021 at 下午 10:25
Hello Emily
如果請屋企人寄gift船運的話,係咪填寫金額£300以下?
另外,我有兩箱舊衣物想請親人幫手寄,是否用tor好啲?
11/09/2021 at 上午 10:09
Hello,我屋企人通常填500港紙,如果係舊衫,可以直接船寄,唔使ToR 🙂
13/09/2021 at 下午 1:37
你好,我冇寫清楚,所指的申縮棍係掛衣服或掛浴簾這種,能否寄?但未曾見過寄咁長物件。
13/09/2021 at 下午 2:50
咁無問題,寄的話要搵短D尺寸來買。不過英國上網買好易,舖頭都有得買。搵左D俾你睇下。
08/09/2021 at 下午 5:04
你好 我們想用郵局空運寄5箱各25kg的衣物/棉被/鞋到英國,不填TOR1,直接寄過來會否有風險被扣查徵稅?
因為發覺大家會填TOR1都是寄大量物品(<20箱)…
感謝回答
08/09/2021 at 下午 5:16
你好Joanne,我本人就會建議直接寄,不過就最好寄船,寄空運好高機會俾人查。 如果寄船都要隔開一段時間,如果同一時間幾箱去同一個地址都會被查。我屋企人寄俾我就一箱起碼30公斤起(船運)。希望幫到你 🙂
09/09/2021 at 上午 11:40
感謝回答 可能還是申請TOR1免被查,是否大概十個工作天才可收到URN?
09/09/2021 at 上午 11:58
最快大概24小時內,最慢5個星期內就會收到 🙂
05/09/2021 at 下午 6:48
如果想將結婚時的金飾帶到英國,沒有單據,可以隨手提行李上機嗎?有沒有限制?
05/09/2021 at 下午 7:46
你好Ching,可以,基本上如果係自用,海關都會酌情俾你過。 🙂
05/09/2021 at 下午 12:49
Hello Emily,我想問如果空運快遞小朋友玩具,裡面有粒電池,可唔可以呢?
05/09/2021 at 下午 12:54
Hello Iman, 最好係拆出來寄 🙂
05/09/2021 at 上午 9:54
如果托香港朋友購買兩部手機,可以嗎?
05/09/2021 at 上午 10:01
Hi Winnie,可以,不過我唔知你係想以郵寄定係親自帶入英國境。
04/09/2021 at 下午 1:00
你好,我想寄以下物品比英國的朋友,請教一下有冇問題。
銀翹解毒片、撒龍巴斯止痛貼、萬金油、同埋啲藥材舖煲五花茶嘅材料。
係咪一定要加入其他嘢(如衣服、食物)一齊寄?
寄平郵安全啲?
謝謝解答。
04/09/2021 at 下午 1:21
你好露,我會建議你同其他日用品一齊用平郵寄船咁寄,報關表就唔好太老實,寫日用品同禮物就得 🙂
05/09/2021 at 下午 5:06
親自帶入境
05/09/2021 at 下午 7:44
如果親自帶入境記得唔好帶埋D盒,唔好俾海關覺得你係全新要拿去賣。
04/09/2021 at 下午 12:55
你好,想請問我剛搬完屋,發現剛申請BNO護照不見了,應怎辦?是否跟剛申請BNO護照程序申請?
04/09/2021 at 下午 1:19
你好Yi,你首先需要報失,以免不法之徒盜用你個身份,跟住你可以有以下兩個選擇
1.重新申請過一本,程序同申請BNO護照一樣。
2.直接用特區護照去申請BNO visa。
報失詳情可以按這裡
申請BNO護照詳情可以按這裡
希望呢D信息可以幫到你 🙂
03/09/2021 at 上午 7:44
想請教海運也可以寄食物到英國嗎?看有些海運寄送網站說沒辦法 有點疑惑 謝謝
03/09/2021 at 上午 10:11
你好Ting,要睇下你指什麼食物,如果係乾貨零食係可以。網站講得無錯,嚴格來講任何食物都唔可以寄或者入境,但係船運查得唔嚴,係ok。我屋企人寄左20年都係咁寄俾我。
03/09/2021 at 上午 10:31
謝謝妳~
所以泡麵類或是泡的飲料是可以海運不會查到嗎?
想問是不能含肉/奶的成分?想請教經驗談
03/09/2021 at 上午 10:50
你應該指即沖飲料,我就試過舊街場咖啡,車仔茶包。我屋企人好經常寄公仔麵,即食米粉俾我,連臘腸都會寄,因為英國臘腸貴同唔好食。有一點值得一提,近幾年少左寄公仔麵,因為英國好多超市都可以買到出前一丁,連維他檸檬茶同維他奶都有,而且價錢唔貴。
01/09/2021 at 下午 1:02
寄電熱水煲和日用品,大約30kg, 我本身已經申請 TOR1, 經郵局平郵 是否雖填埋tor1,thx
01/09/2021 at 下午 1:10
Hello Yuki,你如果係用郵局平郵就唔好寫咁詳細。如果用TOR1通常係一次過declare D大件家當(多過30kg)。
04/09/2021 at 下午 1:30
你好,想請教我有朋友在英國,想空郵一些冰皮月餅的預伴粉給她(盒裝未開封),請問可以寄入英國嗎?問過郵局但答得模棱兩可
04/09/2021 at 下午 1:44
你好Thomas,可以,我會建議你加D日用品或者禮物,一齊寄,報關表就寫日用品就得,唔好太老實。
我要提下你,其實英國都可以買到,有好多嘢唔需要寄。下面有個sample,你睇下。
01/09/2021 at 上午 10:43
Hi, 你好. 請問用船運平郵寄收藏多年的10kg茶葉及茶包到英國給我的女兒, 是否需要交稅? 報關應填tea leaves 或tea bags? Thanks!
01/09/2021 at 上午 10:47
你好 May,我會建議你分開兩次再加埋D其他日用品,跟住寫日用品就ok,我屋企人都係咁寄茶俾我。唔使交稅 🙂
01/09/2021 at 上午 2:36
你好,
請問如果我只有七至八樣電器產品(blender/ rice cooker etc) 想寄過去英國(最大嗰件係iMac 27”),係唔係都填Tor1搵物流公司?還是到郵局既船呢?如果寄郵局嘅船,咁報關時係咪都唔好咁誠實呢>.<
01/09/2021 at 上午 9:52
你好Sharon,我屋企人就試過寄blender,飯煲俾我,全部去郵局寄船,報關紙淨係填gift同日用品。至於iMac,會唔會跟你飛過來好D,寄艙。
05/09/2021 at 上午 8:50
多謝回覆!
想再問吓買semi detached 和terraced house有咩優缺點?
🙏🏽
05/09/2021 at 上午 9:23
Hi Sharon,其實無好大分別。不過如果揀擇就有以下小分別
Semi detached:
Terraced:
希望幫到你,如果有唔清楚再問,我會儘量解答 🙂
31/08/2021 at 下午 12:32
吾好意思,想問多少少,我有收藏超合金玩具,而且大部分未拆包裝,如果裝入紙箱寄船,大約有8-10箱,這些玩具需要報稅嗎?
31/08/2021 at 下午 1:17
我就覺得唔使,會建議你就算報關紙都係淨係填gift。 如果可以我會建議你分開寄,唔好一次過寄咁多箱,一定會俾人查。
31/08/2021 at 下午 12:23
你好,我有收藏機械表,請問移民時可否一次過帶到英國(因為不敢寄倉)?是否需要報關及交稅?
31/08/2021 at 下午 1:14
你好,我唔知你數量如何,不過如果係自用而唔係商業用途就唔需要交稅。不過要留意入大不列顛同北愛爾蘭唔同規例,如果係入大不列顛詳情可以按這裡
31/08/2021 at 上午 7:09
請問我老公有25支威士忌(40%酒精以上),有啲係開咗有啲係未開,請問如果想運入英國,有那些途徑?或跟家當一起運船和收嘅稅項多少?或跟行李上飛機等?因為問咗好幾間國際運輸公司都冇一間有答案,有啲話唔可以寄酒精飲品,好懊惱而家唔知啲酒點可以帶去英國🤦🏻♀️🤦🏻♀️🤦🏻♀️🤦🏻♀️
31/08/2021 at 上午 10:50
Hello Candy, 我會建議你選擇兩支最喜愛放寄艙行李飛過來。至於其他就試下分多幾批用船運寄過來英國(每次最好一支)。其實酒係唔可以寄(無論什麼方法),但係寄船查得無咁嚴,所以睇彩數。或者送俾家人朋友定搵個地方寄放,等下次返去再帶兩支來英國。至於D開左,就開個party飲左佢啦,俾藉口你老公來英國從新儲過,英國威士忌更多選擇 🙂
28/08/2021 at 下午 4:22
請問杯麵如果入面有少許脱水肉類,是否可以入帶,例如出前一丁牛肉杯麵
28/08/2021 at 下午 5:50
Hello Mimi, 可以,不過要提一下就係英國都可以買到好多杯麵。
28/08/2021 at 上午 7:52
請問寄醫生開既葯去英國得唔得?
28/08/2021 at 上午 10:30
你好,我就唔會建議,不過如果急同少量就應該無問題,因為我之前都試過寄哮喘藥。
24/08/2021 at 上午 8:32
你好, 請問淮山, 雪耳, 蜜棗, 可以寄去英國嗎? 台式麻油雞面(即食面) 可以寄嗎? 寄時寫貨品名稱? 另外, 降血糖藥可以寄嗎?
謝謝
24/08/2021 at 下午 8:14
你好SK,我屋企人好多時會寄淮山, 雪耳, 蜜棗同即食麵俾我。係用香港郵政平郵寄船方式。不過一點就係唔好寫太詳細,唔好太老實,我就咁寫gift同日用品。至於降血壓藥就建議係英國開,因為氣候唔同,你好高機會需要轉藥。我本人就唔太建議寄處方藥,不過如果小量,其實寄船查得唔係好嚴。希望呢D信息幫到你。:-)
22/08/2021 at 下午 2:44
你好,請問香港郵寄鑽石耳環,頸鏈同埋少量港幣現金(少於3000) 到英國會否被徵稅?全部都是自用的,要在TOR1列明嗎?
23/08/2021 at 上午 9:07
你好Wai,我個人就唔會建議你郵寄,咁少嘢可以考慮跟身。寄呢D實在冒太大風險。
21/08/2021 at 下午 2:27
想請問妳家人寄船運包裹比妳,大約幾耐至寄到妳家呢,因我6月28日寄一箱包裹比我妹妹,但到現在還未到
21/08/2021 at 下午 3:18
你好Carol,大概2-3 個月,如果撞到大假期就會再耐D。你6月尾先寄,可能要預9月尾到。
26/02/2022 at 下午 2:53
你好!我有幾個外置harddisk,都幾重下,想問下可唔可以寄平郵?另外電池又得唔得?謝謝!
26/02/2022 at 下午 3:20
你好Karen,可以,我自己都試過叫屋企人寄hard disk。電池就真係唔得。希望幫到你 🙂
19/08/2021 at 下午 3:59
我暫時未有問題, 但見到你答得好詳細, 好有心機,真心多謝你, 解答左我好多疑慮! 🙂
19/08/2021 at 下午 5:24
多謝你支持🙏
19/08/2021 at 上午 10:55
你好 請問充電式,電蚊拍如何帶去英國。
19/08/2021 at 下午 5:22
你好Ray,你可以放係寄艙行李入面。不過好似有伏特限定,你最好問下航空公司,因為每間唔同。
16/08/2021 at 上午 4:56
你好
移民時帶30两金條及一些金飾出境,需報香港海關嗎?
進入英國時要報税嗎?
16/08/2021 at 下午 4:25
你好Gordon,自用金條金飾入英國唔使報。根據官方網站資料,只有進出北愛爾蘭才要對個人的金條/金幣/金粒等填寫Tor1表作申報。
至於出香港關,我個人覺得唔使,如果唔放心都係打去入境處問下。
14/08/2021 at 下午 2:21
女兒恨食月餅, 可否寄呢?有蛋黄的應該唔得,唯有純蓮蓉啦!會連同一些口罩寄空郵,我只寫gift可以嗎?
14/08/2021 at 下午 4:22
你好Shanshan,雖然我自己以前屋企人都寄過幾次(都係用船運平郵),但係其實英國月餅唔貴,一盒榮華係唐人超市大概£28。如果你要寄我就建議你寄平郵,寫gift就ok,空郵查得比較嚴,搏唔過。
12/08/2021 at 下午 1:32
輕粘土能寄平郵去倫敦嗎?
輕粘土似輕身泥膠咁?
12/08/2021 at 下午 4:27
Hello Mei,如果似細路仔玩的泥膠就可以 🙂
12/08/2021 at 上午 9:02
請問如果帶一公斤消毒火酒機艙行李可唔可以
12/08/2021 at 上午 11:08
你好 Ka Yan,
寄艙行李內可攜帶最多5公升,酒精含量不可超出70%以上。
09/08/2021 at 上午 11:02
我想問模型油(油性)可船運?
09/08/2021 at 下午 1:26
Hello Luke,
顏料係唔可以郵寄,因為係易燃物品。但係寄船查得唔嚴,你可以選擇試下。
06/08/2021 at 下午 9:57
請問醫生處方藥物係咪要入境時跟身? 可否寄DHL果類?
因為已經用晒, 但又未登記到GP…
想搵屋企人寄過黎
07/08/2021 at 上午 9:56
Hello Sam,其實如果數量唔多可以嘗試。另外你可以試下去walk-in centre註冊暫時性GP,詳情按這裡。再同醫生解釋下你係新到同埋出示你之前香港醫生紙,我相信醫生會開藥俾你。之前我媽咪來英國短住就係用呢個方法去開血壓藥。希望呢個方法幫到你:-)
04/08/2021 at 下午 3:56
請問一般牌子750ml的XO酒,可否帶去英國嗎?入境會否額外收稅?
04/08/2021 at 下午 5:04
Hello Alan,可以,英國海關同香港相似,一人可以帶有限度(大概4公升)酒水入境。詳情可以參考這裡。
如果你要跟身就要記得機場同航空公司有限制液體份量上機,所以你最好係機場免稅店購買,因為有適當封口。
05/08/2021 at 上午 7:51
收到。唔該晒
16/03/2022 at 上午 10:06
您好,我想請問一下,如果我有啲名牌手袋飾物之類要帶過去,係咪填tor1就ok喇?
17/03/2022 at 上午 10:49
Hello Kit, 如果想買個安心就最好填,不過你如果要問我建議,我會建議睇總值同數量,接近10萬港幣就最好報。英國海關其實好人性化,只要你唔好俾人覺得你的東西係拿來商業買賣。希望幫到你 🙂
03/08/2021 at 上午 3:22
你好,想問問嬰幼兒副食加工一包包的粥,可以帶到英國嗎?成份有南瓜、魚、肉、菜等,謝謝
04/08/2021 at 下午 4:52
你好Ivy,可以,不過如果係液體狀就要寄艙。
05/08/2021 at 下午 8:34
好呀,謝謝你🙏🏻🙏🏻
02/08/2021 at 下午 7:31
Hello, 想入口珠寶,和切割鑽石去英國做生意的,知唔知稅率幾多?
02/08/2021 at 下午 7:47
Hello Jenny, 英國稅率係根據公司年利潤來決定,不過大概係20%左右。詳情可以去HMRC網站查詢。
02/08/2021 at 下午 2:31
請問月餅有蛋黃是不是不能寄到英國
02/08/2021 at 下午 5:09
Hello Carol,如果寄船其實無太大問題,我自己都試過,因為船無查得咁嚴。
02/08/2021 at 下午 1:02
Hello Emily,我想請問我寄電熱水袋去英國,可以嗎?是否屬於內置電不能寄?
02/08/2021 at 下午 5:08
Hello, 照理有內置電池係唔可以寄,但係我寄過好多次電話,只要寄船,其實可以偷雞。
31/07/2021 at 下午 11:13
請問用香港郵政平郵寄家當,需要申請tor 嗎?
01/08/2021 at 下午 6:06
Hello May,TOR通常俾人用來寄大件家當,例如雪櫃,汽車,電視。你如果唔係呢類家當(例如衣服)就用平郵,唔使申請。:-)
28/07/2021 at 上午 10:18
請問可以帶蓮蓉月餅去英國嗎?
30/07/2021 at 上午 4:07
可以
25/07/2021 at 下午 3:05
Hi Emily, 你好!
想問問咖啡、茶葉、調味料能否經由寄船往英國?因為船公司同我講所有入得口嘅東西都要hand carry。
27/07/2021 at 下午 6:56
你好 Edwin,
我自己係用香港郵政既平郵服務,香港的屋企人亦經常寄以上你提及的物品,都OK冇事。
24/07/2021 at 上午 9:07
Emily, 謝謝你!現明白濕紙巾係可以帶上機,因為它不是液體。但想確定如果濕紙巾含有75%的酒精,是易燃的也可以嗎?寄倉及隨身用也得?
24/07/2021 at 下午 2:45
Hello Leave,係呢個特殊情況,呢D雖然酒精含量高,但係應該不屬於管制物件,不過每間航空公司要求唔同,我建議呢咨詢你間航空公司會比較準確D。
21/07/2021 at 下午 2:42
75 %濃度的濕紙巾可帶上機嗎?有沒有數量限制?
22/07/2021 at 上午 7:59
飛機上只限制液體物品,所以濕紙巾是沒有問題,亦沒有數量限制。
17/07/2021 at 上午 10:31
請問蟲草丸呢D保健品可以入境嗎? 有冇數量限制?
17/07/2021 at 下午 4:29
Hello Queenie, 你話蟲草丸,我估應該係好似一粒粒藥,同埋既然係保健品只要有說明而你證實到係自用,一般海關係唔會理你。:-)
17/07/2021 at 上午 10:21
我有些植物想剪塊葉帶去UK,沒泥沒根的,不知可否?如不可怎樣在港取有效植物檢度書? 謝謝
17/07/2021 at 下午 4:24
你好,好似全部植物都要證書,你可以打去漁濃署諮詢下詳細。:-)
15/07/2021 at 上午 7:33
想問下廚刀可唔可以呢? 因為有好多把日本買既廚刀
我諗緊寄船定gip
15/07/2021 at 上午 8:02
寄船或寄行李倉都OK,但唔趕用的話,就建議寄船,將行李公斤數留來帶較重要的野。但注意要小心包裹,整傷郵局職員就唔好!
14/07/2021 at 下午 1:56
請問hand carry兩盒月餅入境ok嗎?
15/07/2021 at 上午 7:58
你好John, 月餅係無問題。
10/07/2021 at 下午 8:30
想問,如果帶啲鼻敏感藥,普通頭痛藥,止痛藥同氣管噴劑呢啲,要唔要去搵西醫寫張醫生紙証明
11/07/2021 at 上午 8:41
Hello Hilda,我本身有哮喘所以經常有帶藥出入,從來無試過要醫生紙去證明。
07/07/2021 at 上午 10:31
想問一下我有很多打皂材料,有粉狀也有蜂臘,例如高嶺土,奈米二氧化鈦,粉紅石泥粉,種類多,請問可否帶入英國境?
09/07/2021 at 下午 7:52
Hello Victoria,呢D真係唔係好識,我建議用船運,一來唔會浪費你機票公斤數,二來船運唔會查得咁嚴。
07/07/2021 at 上午 6:41
想詢問說要去讀書,但家人希望我帶清冠一號的中藥水藥,一包是160cc左右,想詢問是否要用另外寄的方式,還是可以隨行李一起託運呢
07/07/2021 at 上午 6:56
你好Bella,如果數量不多可以放託運行李,不過不能放隨身行李。
07/07/2021 at 上午 2:10
寄家當去英國,船運可寄食物嗎?如菊花,湯包這些
07/07/2021 at 上午 6:36
Hello Yi, 只要你有相關證明文件去證明你地關係同你有養育權。我相信你係需要有律師文件證明,至於詳細你最好諮詢律師。呢d文件都可以用來辦入學作證明用。如果你已經申請超過兩日,咁就有d麻煩。不過都可以嘗試幫你個孫申請dependance,用返你自己個application number。 菊花同湯包都可以船運來英國,我屋企人經常寄:-)
07/07/2021 at 上午 1:21
您好,咁我冇撫養權,可申請未滿18歲孫仔去英國生活同讀書嗎?
07/07/2021 at 上午 12:42
您好,請問如帶未滿18歲孫去英國生活和讀書,但冇撫養權可以嗎?英國會接受爺爺,嫲嫲申請入學讀書嗎?
07/07/2021 at 上午 12:28
您好,想問問我已經申請緊BNO VISA,但個孫想跟我過去英國,沒有撫養權之下,可否直接帶我孫過英國讀書生活?另BNO VISA 申請途中,我不想取消,怎樣可將我孫加進去?親身去申請可以嗎?
07/07/2021 at 上午 12:12
您好,我想問我已申請了BNO VISA ,現想帶孫過去英國生活和讀書?手續上是否唔得?或者香港進行申請撫養權,但我可否提早帶走?另我唔想取消申請中的BNO VISA ,有冇辦法可以將孫一齊搞BNO VISA ,親身去申請加孫入去BNO VISA可以嗎?
07/07/2021 at 上午 12:04
您好,我還想問,如沒有撫養權,可否帶孫過去英國生活和讀書?手續是否唔得?又或香港進行申請撫養權,但我可否提早帶走?
06/07/2021 at 下午 11:49
您好,請問如我已申請緊BNO VISA ,突然個孫想跟我隨行去英國,父母不隨行,但我又唔想取消申請中的BNO VISA ,另還將撫養權轉移給我,已問律師要等三個月至半年才轉移到,請問還有其他辦法嗎?
05/07/2021 at 上午 12:33
妳好,想請問有什麼食品英國是買不到的,我想寄些給在英國的妹妹
05/07/2021 at 下午 9:00
Hello Carol,因為有網站同唐人超市,我覺得好多嘢都買到,就算係都係貴少少。唯一可能無就係一d日本小食。
04/07/2021 at 上午 9:37
請問煮食用的紹興酒和花椒八角等等的東西可以帶過英國嗎?和放喼還是航運?
04/07/2021 at 上午 9:51
Hello Angela,花椒八角可以放寄創喼,我自己都試過帶。紹興酒就最好用船運,因為係液體。不過要話聲俾你知,英國其實呢D嘢好易買到而且唔貴。 🙂
01/07/2021 at 上午 6:35
保鮮花可以寄到英國嗎 ?
01/07/2021 at 下午 12:38
你好,由於保鮮花是花類製成品,所以需要有效的植物檢疫證書(phytosanitary certificate),才可以入境。
詳細可閱讀:https://www.gov.uk/guidance/personal-food-plant-and-animal-product-imports
28/06/2021 at 上午 9:50
Hi Emily,
由香港去英國, 您說, 現金可帶10,000英鎊入境,
但有人說, 只可以帶10,000歐元入境,
想同您確認多1次, 確實是多少英鎊金額?
謝謝您!
29/06/2021 at 上午 7:51
你好,現時係10,000英鎊。原本係計歐元,因為脫歐所以改為英鎊。
27/06/2021 at 下午 10:11
謝謝妳,但福米內的調味包好似有油的,都可以?
29/06/2021 at 上午 8:42
係,相信亦係因為咁係所以英國冇得賣,我都係偷雞寄來(寄船)。
27/06/2021 at 下午 9:18
Hi, 想請問寄口罩有冇限制? 我打算填ToR1表
雖然我哋只會totally 有5-6 箱野
29/06/2021 at 上午 8:47
英國對口罩沒有限制,只要係你自用,不作販賣用途,都唔會限制你。
27/06/2021 at 下午 1:46
請問香港可否寄福字公仔麵去英國
27/06/2021 at 下午 3:26
你好,冇問題,我的家人都試過寄比我。不過福字公仔麵係英國都買到,返而福字米粉就冇。
25/06/2021 at 上午 7:40
阿胶能帶過關嗎
25/06/2021 at 下午 5:24
Hello Kimi, 我自己就未試過帶過關,不過試過郵寄幾次都OK。
23/06/2021 at 上午 8:11
Hi Emily 請問是否所有蔬菜種子都禁止 帶或寄到英國的呢?
23/06/2021 at 上午 8:37
你好Ide,
沒錯,所以種子由非歐盟國家進入英國,都必須附上植物檢疫(健康)證書 phytosanitary (health) certificate 才可入境。
22/06/2021 at 下午 4:09
你好,我見到上文有咁講-
有限度可以入境的物品
豬、牛、羊、雞等肉類,不論是香腸、臘肉、真空、乾製品、罐頭或
含肉成份的零食,一律禁止入境。
咁係咪海鮮肉類制零食(例如:魷魚乾)可以用平郵寄過去?
謝謝~!
22/06/2021 at 下午 5:44
Hello BooBoo, 我屋企人經常用平郵寄臘腸,魷魚乾等俾我,你記得填form唔好太老實:-)
22/06/2021 at 下午 11:46
知道> <, 唔該晒emily,^^,咁有無寄過豬肉鬆?
23/06/2021 at 上午 4:08
有,同樣報關唔會寫明。
22/06/2021 at 上午 6:44
你好,請問可唔可以寄魚露,蠔油?如果可以上限係咪都係每樣2kg?
22/06/2021 at 上午 8:27
你好阿Ken,魚露和蠔油係英國都可以買到,價錢唔貴(£2-£3可買到),建議你唔好寄,好易打爛。
21/06/2021 at 下午 4:13
請問煲湯的海龍 海馬可以帶嗎?
21/06/2021 at 下午 8:34
Hello May May, 呢D我真係未帶過,不過相信係乾貨,如果數量唔多,佢地都係隻眼開隻眼閉。
20/06/2021 at 下午 3:08
請問小型煙燻機用的木屑及咖啡豆可以卻郵寄嗎?
21/06/2021 at 下午 8:22
Hello Tyran,木屑我就未試過,不過其實可以係英國買。咖啡豆我就試過寄幾次。
19/06/2021 at 下午 10:03
請問下乾左既白菊花帶唔帶得去呀?
20/06/2021 at 上午 9:29
Hello shasha,可以。我每次返去都會帶D過來,屋企人都經常寄俾我。
18/06/2021 at 上午 10:25
你好,有一問題,想請教:因本人子媳已離婚,婚前生有一子,現相方均不欲撫養,欲交我們(爺爺,嫲嫲)帶養。但我們正計畫申請BNO VISA 離港赴英退休,若我們透過正式法律手續,取得這孫之撫養權,那能否用我為主申請人,一同和此孫申請VISA赴英?
先謝你的幫忙!
18/06/2021 at 下午 12:16
你好Yi,如果你個孫未夠18歲,就可以跟爺爺,嫲嫲申請BNO VISA赴英 🙂
07/07/2021 at 上午 1:01
您好,咁我冇撫養權,可申請未滿18歲孫仔讀書架?
17/06/2021 at 下午 2:53
請問如果用物流船運, 可否帶數支Souvenir 嘅酒版, 菜刀, 成藥(白花油, 保心安油, 跌打酒 等), 以及大量嘅liquid 護膚品(例如: toner, serum, cream之類) ? 另外, 想請問用物流船運搬屋到UK, 一般來講有啲咩嘢係唔可以帶或者唔俾帶?
18/06/2021 at 下午 12:11
你好Joey,呢D我屋企人全部試過寄俾我,你填form時唔使咁老實:-)
12/06/2021 at 上午 6:07
請問太子參可否帶入英國境內,謝謝
12/06/2021 at 上午 9:45
如果係乾貨而份量唔多,基本上唔理 :)
10/06/2021 at 上午 7:51
請問我去英國可否帶對講機上機?
10/06/2021 at 下午 5:50
你好,我自己都唔知,不過呢個同英國無關,係同航空公司安排有關,google左話可以帶對講機上機。網站詳情 你可以直接打去香港D航空公司問下。
09/06/2021 at 上午 12:50
請問芝麻粉可否跟行李寄艙去英國
10/06/2021 at 下午 5:47
你好Baubau,芝麻粉唔係什麼違禁品,應該可以。我自己就無試過。
12/06/2021 at 上午 6:05
謝謝你
08/06/2021 at 下午 1:20
Hello Emily, 想請問我有一套木製桌椅打算船運到英國, 係咪都要申報係咩材料同埋要搵公司做蒸氣清毒呢? 另外如果船運寄模型開油水(類似天拿水的東西)會唔會有問題呢?
08/06/2021 at 下午 8:35
Hello Kevin,咁大型我自己未試過,我建議你去郵局問下。至於開油水,如果細細支就無問題,不過可以考慮來到英國再買:)
06/06/2021 at 上午 7:46
hello ,我有十幾個生果箱的97集郵品,想用船運, 請問
(1)會不會過量, 要打稅,已遺失購買單據
(2)如果不想打稅, 即時棄掉, 可以嗎?
謝謝
06/06/2021 at 下午 12:29
Hello Elly,船運係無限,越重或越大體積越貴,我屋企人通常寄就30公斤左右800港紙樓下。至於打税,你唔好寫咁詳細,可以填普通日用品,價錢填低D(大概填400港紙),寫多錯多。建議你分開幾次寄。如果萬一唔好彩被查到而你唔去交稅,英國就會寄返回郵地址。最後記得填電子報關資料,連結在此
04/06/2021 at 上午 4:06
船運可否有液體如:沐浴露,洗頭水,護膚露,謝謝
04/06/2021 at 上午 8:56
你好,可以,但係為何要咁浪費,呢D嘢又重,英國都可以買到而且唔貴。D公斤數應該拿來寄其它用品實用D。
03/06/2021 at 上午 5:36
Hi, Emily, 我想問滴雞精能寄嗎? 純雞汁, 沒有渣~
03/06/2021 at 下午 9:34
Hello Mona,呢D我屋企人都會寄俾我。不過就建議你唔好寫咁清楚,寫多錯多 :)
01/06/2021 at 下午 2:24
金器同珠寶首飾是否要報TOR1? 每件定總數過左390鎊就需抽稅?
03/06/2021 at 下午 9:32
Hello Irene,如果係自用金器首飾就唔需要。
22/07/2021 at 上午 5:54
自用金器,是否不用填Tor1表?謝謝
22/07/2021 at 上午 8:31
你好Helen,
根據官方網站資料,只有進出北愛爾蘭才要對個人的金條/金幣/金粒等填寫Tor1表作申報。
01/06/2021 at 上午 8:13
我收藏咗一些翡翠,有一件一尺多高,帶入英國境可以嗎?
03/06/2021 at 下午 9:31
Hello Alex,據我所知係可以,如果數量唔多,就算查到海關都會酌情處理。
31/05/2021 at 下午 10:42
請問雷射列印機嘅碳粉盒,可否入境英國?
03/06/2021 at 下午 9:29
Hello Benson, 請問係唔係帶一個兩個坐飛機寄艙?
31/05/2021 at 上午 8:24
Emily你好,
請問牛骨梳可否寄平郵?
平郵寄准山、百合….是否寫Chinese herbs?
謝謝你
31/05/2021 at 上午 11:56
Hello Julie,我估你個牛骨梳應該都係睇落去平常梳一把,人地唔會特登拿去驗成份,所以無問題。至於淮山,百合,我媽咪經常用海運郵寄俾我,係連寫都唔會寫,寫多錯多:)
28/05/2021 at 下午 3:10
你好.請問浸了多年的補酒(無肉類不超過10度)及 多年鹹柑桔。航海運可以嗎?thanks
28/05/2021 at 下午 9:29
你好Simon,我本人覺得有酒精成份就最好唔好,路途遠,會比較易有意外。不過鹹柑桔就無問題, 我媽咪都寄過俾我 🙂
19/06/2021 at 上午 6:16
請問真空包裝臘腸可以放寄艙行李嗎?
20/06/2021 at 上午 9:27
Hello Stephanie,我自己都帶過幾次。不過如果查到應該會問長問短。
27/05/2021 at 上午 1:50
請問可以平郵寄日本調味料?係咪liquid 唔得?零食可以平郵?罐頭?南北行清熱即沖的茶包可以?
Jewellery 韓國飾物 係眯都晤可以平郵?thanks a lot
27/05/2021 at 上午 8:32
Hello Coco,我屋企人時不時就會寄好多嘢俾我,包括頭抽,日本調味料同零食,基本上你問D嘢都有寄過 🙂
27/05/2021 at 上午 10:59
Ok thanks a lot ! 😘
26/05/2021 at 上午 7:17
請問本人用開自然療法(essential oil精油)醫病, 精油可否帶入境? 寄倉行李, & 以TOR船運. MANY THANKS
26/05/2021 at 上午 10:47
Hello,我本人都帶過精油過關同郵寄。其實英國海關比較人道,你如果唔係什麼特別或過量佢地都會隻眼開隻眼閉。亦好多時睇運數同機場。
25/05/2021 at 下午 11:03
我見英國官網寫gift ,同39磅樓下唔收稅。但有人話唔使寫gift都得,請乜應該點報呢?
如果唔想俾英國抽稅,請問填報關表時,倒如寄用過的書,應寫books, used belongings(books), or gifts?
如果入面多過一個items,例如clothes , rice cooker, mask,係唔係都要寫哂?
係唔係重點係$400以下,物品點寫乜無太大關係?謝謝!
26/05/2021 at 上午 10:43
你好Alison,我唔係好清楚你想問坐飛機過關報表定還是郵寄過關報表?
26/05/2021 at 下午 4:53
我係郵局郵寄過關呀,thanks🙏😊
26/05/2021 at 下午 8:59
我屋企人寄嘢俾我係通常唔會寫太詳細,內容入面有咩就寫大概,例如:有衣物就填Clothing,有麵就填noodle。另外你係需要選項,你剔Gift就OK。
記得而家係要網上報關:https://www.hongkongpost.hk/tc/other/2020/ecustoms/index.html
25/05/2021 at 上午 12:58
想問鱷魚肉(乾貨)喺咪唔可以帶去英國?
25/05/2021 at 上午 11:01
即使係乾貨,鱷魚肉依然係屬於肉類,當然唔得。
24/05/2021 at 上午 10:07
請問可唔可以帶鹼水糭去英國探親?
24/05/2021 at 下午 12:48
Hello Miu,我就唔會建議帶,因為入面有肉同其它材料,呢D嘢其實英國都可以整。
23/05/2021 at 上午 2:57
我有一些自己係香港食開的保平安藥,如胃藥,調理腸胃,同supplements. 這些都係我在香普通藥房買。每樣幾盒。請問是否可以帶過去英國。
23/05/2021 at 下午 6:56
Hello Ivy, 呢D好正常,可以帶。不過最好唔好拆走包裝,如果真係被查都可以俾海關睇。
18/05/2021 at 上午 8:46
請問我做音響及維修的,我舖頭的電孑零件,電線,電孑管,配件及工具,可否經航運到英國?
18/05/2021 at 下午 5:27
你好,最好以船運好d,因為查得無咁嚴。
17/05/2021 at 上午 2:22
充電USB 小風扇可否寄船運或寄艙?謝謝
17/05/2021 at 下午 5:08
Hello,我自己就試過寄艙,至於船運好似有特定類型。搵到呢個網希望可以幫到你。
網站
16/05/2021 at 下午 1:42
請問安官牛黃丸不能帶?
名牌手袋 皮帶可以?總值過一萬磅
17/05/2021 at 下午 5:03
你好Mos,可以,官方網站的皮具入境管制中,有提及過只要是『私人擁有及個人使用』的情況下可免受入境管制,只要係自用就可以。至於安官牛黃丸,我就唔係好清楚,不過你只要係自用通常海關都係隻眼開隻眼閉。
09/05/2021 at 上午 1:50
請問黃金入境英國有什麼的限制?有相關條例發來參考嗎?澳洲的金幣,香港出的5両金條可以嗎?謝謝🙏!
09/05/2021 at 上午 7:11
Hello Bill, 你d唔算多,所以人地應該唔會為難你,就算萬一唔好彩,你就解釋清楚d你係移民,英國海關其實好有人情味。如果你太擔心就通過下面條link去報關
https://www.gov.uk/duty-free-goods/declaring-goods
08/05/2021 at 下午 11:05
請問去英國能否帶三部手機入境?兩部新一部舊,新是帶過去比仔同新抱!
09/05/2021 at 上午 7:01
Hello 你好,可以,我自己有時都帶咁多部出入。
07/05/2021 at 上午 9:46
Hello, 我想問下如果我hand carry 電腦,iPad, 遊戲機同電話過去,係唔係都要報ToR? 因為依啲野過咗 £390鎊
09/05/2021 at 上午 7:00
Hello Jeremy, 呢D都係好平常物件,我自己出入都差唔多咁多嘢,依家一部電話都過£390, 所以我本人就覺得唔使報。
05/05/2021 at 上午 4:02
Hello, 我想問下而家平郵寄船20kg,報關收費大概多少?
05/05/2021 at 上午 8:00
香港郵政係沒有報關稅的服務,好似要搵香港海關填表,但如果想正正式式報關預繳稅款,你可以搵物流公司搞,不過物流公司寄件會貴好多。
基本上用香港郵政寄件,郵件總額填寫港幣400元以下,都唔會被收稅,我的家人一直以來都只係去郵局寄平郵比我,20公斤通常填寫總價格HK$250-300,亦從未試過抽查或收稅,可以放心。
但謹記要係銀碼前面加上HK$,如果唔係英國郵局職員會將總價格以美金$計算。
04/05/2021 at 上午 8:54
你好,如果空運寄面膜可以嗎
05/05/2021 at 上午 8:07
可以,只要當中的液體不易燃、不含酒精的都可以。
01/05/2021 at 上午 8:54
你好,請問我有很多電子產品的,一台手提電腦,手機都超過390磅。是否這些都要給物流公司?
謝
01/05/2021 at 下午 8:49
你好,手提電腦同手機應該跟身吧,其它可以交俾物流公司。無左電腦手機,一到步會好唔方便。英國好多都需要上網整。:)
29/04/2021 at 下午 2:52
你好,我而家有4個行李篋,請問花膠、鮑魚、冬菇、乾貨等等…..是否要分開每一個篋擺一啲呢?
29/04/2021 at 下午 6:55
你好Miu miu,其實如果咁岩俾佢抽查,分開擺或者一齊都係一樣。不過我建議分開,萬一有行李寄失,你起碼唔會全部無曬。
29/04/2021 at 上午 11:20
請問蟲草可以帶入境嗎?
29/04/2021 at 下午 6:48
你好,蟲草應該是屬性於菇菌類(唔太確定),你可以去藥材舖了解究竟蟲草係乜,根據入境處的指引,只要不含肉類都係可以入境。而包裝上貼好名稱,可方便海關查詢。
26/04/2021 at 下午 2:16
你好, 我想問可以帶(養生)花茶入境嗎?? 因為某類花茶有機會含有種子(成份), 另外再想問湯包 (包裝或真空)可以帶過黎嗎? 謝謝 。
28/04/2021 at 上午 8:12
英國對於種子入口很嚴格,假如被海關抽查行李,而包裝上又說明有種子成分,將會被沒收。不過一向英國海關抽查行李甚至海外郵件都很『求其』,即使唔好彩被抽查,都未必咁仔細閱讀包裝說明,你大可以試試。至於湯包,基本上不含肉類的湯包都可以帶。
26/04/2021 at 上午 1:59
你好, 我太太有個鱷魚皮的手袋,請問可以入境嗎?
26/04/2021 at 上午 8:17
可以,官方網站的皮具入境管制中,有提及過只要是『私人擁有及個人使用』的情況下可免受入境管制。
詳細資料:https://www.gov.uk/guidance/importing-animal-furs-skins-and-fish
25/04/2021 at 上午 12:56
請問英國唐人街有沒有中草藥店?
25/04/2021 at 上午 7:54
你好,有而且好多,價錢直情貴到唔合理,而且英國對藥物管理非常嚴格所以基本上中藥好多藥材入唔到,所以我自己就覺得有D搵笨。唯一有用就係針灸。我自己經驗就係盡量唔好去睇中醫。:)
23/04/2021 at 上午 9:24
請問午餐肉冬菇可以放行李喼過英國嗎?
23/04/2021 at 下午 3:31
冬菇可以,午餐肉因為係肉類所以唔得(睇你要唔要偷偷帶)。BTW英國都買到,買Spam的Chopped Pork and Ham,個人覺得比香港既午餐肉好食。
23/04/2021 at 上午 5:20
想問下射箭嘅弓同箭可以寄倉嗎或船運嗎?
23/04/2021 at 上午 8:28
在英國,擁有弓和箭是合法的,無須license。所以攜帶入境是無問題的,可寄艙唔可以Hand Carry。
同時,亦可以船運,但必須包裝處理妥當,以免傷到別人。
22/04/2021 at 下午 10:51
請問,我想帶幾種常用中草藥去英國自用,不知在那裡可以查到。謝謝。
23/04/2021 at 上午 8:21
官方網站係冇相關的資料,只有零售商輸入中草藥出售的資料:https://www.gov.uk/guidance/apply-for-a-traditional-herbal-registration-thr
基本上,英國海關對自用的中草藥(動物性的除外)的限制不大,只要入境時有良好包裝(有說明較佳)都OK。
可以睇睇這篇英國出售中草藥的相關文件(可作參考):https://info.westberks.gov.uk/CHttpHandler.ashx?id=39642&p=0
22/04/2021 at 上午 9:57
Hi – my parents are trying to send me instant noodles and dried food like shiitake mushrooms and we are worried that it won’t clear. Is it allowed? Also, speedpost HK is currently not delivering to UK and the other courier the hk post office uses said instant noodles are not allowed – can you please let me know which courier to go with? Thanks x
22/04/2021 at 下午 3:35
Only HK post can send the foodstuffs, you can choose surface mail service from HK Post, but this service will take you approx 45-60 days, so I suggest you to go online or chinese supermarket to buy for now, while you’re waiting for your parcel.
Here is the list of online asian supermarket: 英國網上中日韓式超市
20/04/2021 at 上午 8:30
想問日本染髮劑可以寄倉或船運嗎?
20/04/2021 at 上午 9:12
任何易燃物品/液體都唔可以亦唔應該郵寄,雖然話船運抽查方面較放鬆,但寄運時間長和船艙溫度較熱,郵寄始終比較危險,但可以放在寄倉行李中帶入境。
15/04/2021 at 上午 6:25
你好,想問一問精油Essential Oil 同埋 聖木條 可以帶入境英國嗎? 因為呢兩樣野都係我每日會用到既,去到唔驚買唔到靚貨T_T 謝謝你!!!
15/04/2021 at 下午 11:01
Hello Ying, 可以,記得寄倉,唔好擺hand carry。數量唔好太多,唔好俾人地以為你拿來買賣。其實英國有好多呢D,你有無試下上網搵,我自己都有用開,不過就唔知你所講靚貨係點好法。 如果有需要分享下,我幫你手搵下 🙂
14/04/2021 at 下午 4:47
請問菜心種子,可從香港帶入英國嗎?朋友還問,可以帶多少金飾入境英國?
15/04/2021 at 下午 10:54
Hello Joan,我自己就帶過,不過都係睇查得嚴唔嚴。通常自用金飾無硬性限制,你只要唔好太離譜,通常人地都係隻眼開隻眼閉 🙂
11/05/2021 at 下午 10:38
請問自己金飾直接帶一點上身 好D 還未是全放入行理好D。
13/05/2021 at 下午 4:30
Hello Mi mi, 都得,不過如果怕萬一寄失行李,最好都係跟身保險d。
21/09/2021 at 上午 9:30
請問如果寄一隻apple watch,因為有鋰電池,是否寄船就容易入境?(speedpost一定吾得)同埋連埋飯煲一齊寄,是否只填 gift and日用品即可?
22/09/2021 at 上午 8:56
Hello Lam,我自己就試過寄apple電話兩次都無事,同日用品一齊寄。只填gift同日用品就得 🙂
14/04/2021 at 下午 12:36
請問血壓藥及膽固醇藥需否醫生紙
15/04/2021 at 下午 10:48
Hello Mo Mo, 係,英國對藥物管制非常嚴格。
14/04/2021 at 上午 8:27
如果有醫生紙證明我有抑鬱症要長期食安眠藥,如果有醫生紙可否帶六個六份量去呢,因我上網見到安眠藥佢地英國歸類第三類危險藥物第一類就係毒品,我驚驚地,但完全唔帶藥我驚自己初到唔慣又失眠會復發🥲
14/04/2021 at 上午 9:38
由於我唔知你隻藥既藥名,無法幫你查詢,但係根據官方網站說明, 攜帶第2,3 & 4類管制藥物入境,只需要醫生紙證明就夠,但如果超過3個月的分量就須要『personal licence』。
官方藥物管理分類表:https://www.gov.uk/government/publications/controlled-drugs-list–2/list-of-most-commonly-encountered-drugs-currently-controlled-under-the-misuse-of-drugs-legislation
個人建議你攜帶少於3個月的分量,咁就無需申請『personal licence』。入境英國後,立即註冊GP(診所醫生)開藥。
**醫生紙內容必須包含:你的名字、你前往的國家地點和出發日期、藥物的名稱、分量和藥性,最後要有醫生簽紙作實。
關於被管制藥物的詳細內容:https://www.gov.uk/travelling-controlled-drugs
08/06/2021 at 下午 12:50
可以寄白花油嗎?
08/06/2021 at 下午 8:33
Hello Man, 可以,我屋企人寄過好多次俾我。
14/04/2021 at 上午 7:06
QUOTE
Taking cash in and out of Great Britain
You must declare cash of £10,000 or more if you bring or take it between Great Britain and another country.
UNQUOTE
官網已更改了貨幣為英鎊,麻請更新!
14/04/2021 at 上午 7:12
已更新,感謝提供資料!
13/04/2021 at 上午 9:13
請問紅燒魚柳,魷魚片,拉麵等零食可以空郵寄嗎?
13/04/2021 at 下午 12:14
Hello CeiCei, 我自己就未試過空郵,經常寄船,不過有朋友試過。空郵一般查得比較嚴,我會建議你寄船,平好多。
14/04/2021 at 上午 2:30
多謝提供資料 🙂
05/06/2021 at 上午 8:54
如何寄船? 是否自己去找船公司代運?大概寄船的程序是如何?煩請簡說,謝
05/06/2021 at 上午 9:28
每次我屋企人都係去樓下郵局寄,自己pack箱,跟住去郵局同佢講寄船,填張form就ok。
06/06/2021 at 上午 2:42
郵局會提供個紙箱或要自偏?
06/06/2021 at 下午 12:18
我地係自己搵箱自己pack再拿去郵局。
10/04/2021 at 下午 4:02
請問花膠,乾瑤柱,高麗參可唔可以帶去uk ?
12/04/2021 at 上午 6:53
Hello Bobo,可以,只要唔超出海產類限量,我自己都帶過。
21/04/2021 at 上午 2:22
請問是Hand carry? 還是寄艙呢?
22/04/2021 at 下午 3:39
都可以,我自己就寄艙。
21/04/2021 at 上午 10:25
你的資料很有用啊! Thank you for your sharing. BTW, 請問海產類限量是幾多? 我在official website 只看到 關於 Fish, dead bivalves and fish or fishery products.
21/04/2021 at 下午 12:38
海產類總限制重量是20公斤,允許:乾製,煮熟,醃製,熏製或新鮮,但是新鮮的魚必須除去內臟。https://assets.publishing.service.gov.uk/government/uploads/system/uploads/attachment_data/file/946343/Bringing_food_into_the_UK_leaflet.pdf
10/04/2021 at 上午 9:19
想請教下, 我媽想寄海味, 煲湯料(無肉) 去英國, 例如冬菇, 干貝, 蓮子, 雲耳, 蝦干, 菊花
如果我媽要去香港郵局寄空運係唔係所有野最好唔好過2公斤, 而且唔好填超過 £39? 謝謝想請教下
10/04/2021 at 上午 9:28
Hello Kirk,我就建議寄船,查得無咁嚴。我屋企人20幾年來都係咁寄俾我,無被罰過。但未試過空運,好貴。屋企人每次寄都係大概20公斤,所以如果空運條數好恐怖。價錢就一定要填少D,大概寫200 – 500港紙。
21/04/2021 at 上午 2:20
寄20斤的運費是多少呢?
22/04/2021 at 下午 3:48
寄平郵20公斤,郵費大概$500左右。注意有面積限制,同埋而家要用電子報關,你可以去香港郵政網頁睇睇:
https://www.hongkongpost.hk/tc/sending_mail/international/surface/parcel/index.html &
https://www.hongkongpost.hk/tc/other/2020/ecustoms/index.html
10/04/2021 at 上午 9:04
請問即食麵(辛辣)及蝦子麵可否寄貨運到uk
10/04/2021 at 上午 9:20
你好,如果係自己食用就無問題,我自己都係屋企人寄蝦子麵來英國:)
05/04/2021 at 下午 9:37
請問菜刀可以寄行李或手提嗎? 或一定要寄船?
06/04/2021 at 上午 10:47
你好,菜刀只可放寄倉行李,唔可以手提上飛機。空郵/平郵郵寄都可以,但必須包裝好,不會傷害到郵局職員。
04/04/2021 at 上午 11:43
Hello Emily, 妳好!請問如郵寄花旗蔘片入英國可以嗎?
謝謝回覆!
04/04/2021 at 上午 11:57
Hello Amy, 如果自用切左片係OK(整條連根就唔好)。我屋企人都試過寄俾我,不過係用平郵寄。
01/04/2021 at 下午 12:23
想問湯料 例如:當歸中北芪黨參 會點計法,因睇英文官網無提及。THANKS
01/04/2021 at 下午 1:40
這些都是草本植物類,所以我會將它們歸類為植物。乾製可入口的植物是可以入境,但最好係有完整包裝(和說明)。
大概相關資料可以睇:https://info.westberks.gov.uk/CHttpHandler.ashx?id=39642&p=0
31/03/2021 at 上午 6:13
請問可以帶多少Kg白米去英國?
31/03/2021 at 上午 9:28
你好,好有興趣想知道點解要帶白米來英國?英國都可以買米而且唔貴,點解要浪費公斤數去帶白米?
22/03/2021 at 下午 12:37
請問隱形眼鏡的限制是在哪裡看見的?
22/03/2021 at 下午 8:10
這些是我從各個不同英國論壇和網站所得的資料綜合而成。
這個只是我給大家的建議,首先攜帶入境的個人物品總金額是不能超過£390,
二來,不要給海關人員錯覺認為這些隱形眼鏡不是你個人使用的,在英國沒有牌照的情況下出售隱形眼鏡是違法的,為了讓海關人員認為這只是你的個人需要,還是不要攜帶過量比較好。
相信有很多人因為香港價錢較便宜,大量入貨帶到英國卻沒事,但會不會被抽查仍是『睇彩數』,非必然的。
所以如對即棄隱形眼鏡有大量的需要,可考慮使用平郵郵寄,被抽查的機會極低。
19/03/2021 at 下午 10:53
請問果皮(陳皮)是否屬於哂乾的水果?可以入境?謝謝你!
22/03/2021 at 下午 8:12
可以,蔬果類的乾製品只要不過量,都可以入境。
08/03/2021 at 下午 12:20
請告知您如何找到進口茶葉的詳細信息 ,
但英文版本沒有提及金及燕窩可以帶的容量, 農產” 上限為6公斤。
食米、熟花生、熟蒜頭、乾金針、乾香菇、茶葉不能超過1公斤。 ??
23/03/2021 at 下午 4:34
Hello Queenie,唔好意思,睇漏左妳個問題,這些是我從各個不同英國論壇和網站所得的資料綜合而成加自己個人經驗,諗住俾大家參考下。
02/07/2021 at 上午 10:19
請問狗食嘅脫水糧同零食可以帶到英國嗎?
02/07/2021 at 上午 11:05
Hello Irene, 可以,我估你應該唔係講緊好大量吧?
08/07/2023 at 上午 3:08
Hello Emily, 請問花旗參切片可以直接帶過去嗎?行李寄艙
08/07/2023 at 下午 9:01
Hello RL, 可以,最好寄艙 🙂
21/02/2021 at 下午 7:01
可攜現金上限應該是€10,000 (Euro),不是£10,000(GBP)
08/03/2021 at 下午 5:32
多謝你啊May,我已經更正,燕窩容量係我個人經驗,試過過關職員話係歸屬於海產類,所以我寫出來方便下大家。
21/02/2021 at 上午 3:30
但英文版本沒有提及金及燕窩可以帶的容量。
07/07/2022 at 下午 1:56
你好!如抹茶粉(少過1kg)手提過關或寄艙,可以嗎? 又75%洒精(1 litre)寄艙,可以嗎?謝謝!
07/07/2022 at 下午 8:17
你好Yvonne,抹茶粉我會建議你寄艙,免得去解釋。至於75%酒精就就好諮詢航空公司,如果係飲用酒精,例如烈酒係唔可以,不過我相信如果係消毒用途用品就可以寄艙。希望幫到你 🙂