有很多留言問，假若夫婦二人同時擁有辦理BNO簽證的資格，夫婦二人可否分開申請簽證？小孩可否先跟隨父/母到英國？
英國在最近修訂有關這方面的指引，說明有什麼情況下可以無需『Applying Together同時申請』：
新指引列出例外的情況(第26至27頁）：
- 申請人以英國國民（海外）簽證留英期間所生的子女將獲與父母同等資格。
- 英國國民（海外）身份持有人獲發簽證後，認識新伴侶，只要新伴侶符合受養伴侶要求，就可以前往英國。
- 如果父母（二人分別擁有英國國民（海外）身份）其中一方想先到英國安頓，另外一人再攜同子女赴英，也可以分開申請。
還有以下幾個重點更新
BNO簽證的主要申請人死亡(第21頁）
假如在入紙申請前，BNO簽證的主要申請人不幸身亡，其家人沒有資格開始申請。但如果，BNO簽證的主要申請人在申請途中不幸身亡，其家人可被酌情處理或會被獲發LOTR (leave outside the rules)許可簽證入境。
申請人經濟狀況不佳（第35頁）
已入境英國的申請人須在現有簽證完結前申請『Permission to stay 居留許可權』（例如：LOTR許可證入境的人士）。假如申請人因經濟狀況欠佳而被拒絕獲發居留許可權(Permission to stay)，申請人可要求行使酌情權，獲發LOTR (leave outside the rules)12個月許可證繼續留英，給予更多時間來達到簽證的經濟要求。
領取公共資助(第37頁）
原本BNO簽證持有人是不能獲取公共資助，但基於人道立場可行使酌情權更改簽證條款，來領取公共資助。不過一但更改條款，原先給予BNO簽證者『居留滿5年可獲長期居留 ILTR』的條款，便會更改為10年。例子：假如你持有『5年獲長期居留』的簽證，在居英的第4年因經濟狀況差而更改『公共資助』條款，你將無法在第5年期滿時申請長期居留。當你在下一個『5年獲長期居留』的簽證時，過往的居英時期將不計算在內，你必須重新計算這5年（或直至居英滿10年）來達到申請長期居留的要求。詳細內容可按此了解
警局註冊的條件(第37頁）
本身持有香港特區護照人士，即使他們有英國國民（海外）護照，都必須到警局註冊。不過最新指引則列明，擁有特區護照的英國國民（海外）身份持有人( BNO Passport holder) 可無需要到警局註冊，但其他年滿16歲非BNO身份持有人（持有特區護照/其他護照的家人）都必須到警局註冊。
工作(第37頁）
工作的工時長短、工種和性質是不限制的，唯一限制的是BNO visa 持有人是不能被聘用為職業運動員或體育教練。
還有其他英國新聞簡報，可以Follow 大英小事 Facebook
喜歡這編文章的話，給個like或分享到Facebook
⬇︎⬇︎⬇︎⬇︎⬇︎⬇︎⬇︎⬇︎⬇︎
Kindle Paperwhite Signature Edition | 32 GB with a 6.8" display, wireless charging and auto-adjusting front light, without Ads, agave green + Kindle Unlimited
(as of 02/05/2026 09:34 GMT +01:00 - More infoProduct prices and availability are accurate as of the date/time indicated and are subject to change. Any price and availability information displayed on [relevant Amazon Site(s), as applicable] at the time of purchase will apply to the purchase of this product.)
Amazon Kindle Paperwhite Signature Edition (newest gen) – Our fastest Kindle with an auto-adjusting front light, wireless charging and weeks of battery life – 32 GB – Without Ads - Metallic Black
£189.99 (as of 02/05/2026 09:34 GMT +01:00 - More infoProduct prices and availability are accurate as of the date/time indicated and are subject to change. Any price and availability information displayed on [relevant Amazon Site(s), as applicable] at the time of purchase will apply to the purchase of this product.)
Blink Outdoor Camera 2K+ (newest gen) — Wireless smart security camera, 2K video resolution, enhanced audio, up to two-year battery. Sync Module Core included — 1 camera system, Black
£89.99 (as of 02/05/2026 09:34 GMT +01:00 - More infoProduct prices and availability are accurate as of the date/time indicated and are subject to change. Any price and availability information displayed on [relevant Amazon Site(s), as applicable] at the time of purchase will apply to the purchase of this product.)
Amazon Fire TV Stick 4K Max (Newest gen), supports Wi-Fi 6E, Ambient Experience
£69.99 (as of 02/05/2026 09:34 GMT +01:00 - More infoProduct prices and availability are accurate as of the date/time indicated and are subject to change. Any price and availability information displayed on [relevant Amazon Site(s), as applicable] at the time of purchase will apply to the purchase of this product.)
還有其他英國新聞簡報，可以Follow 大英小事 Facebook
喜歡這編文章的話，給個like或分享到Facebook
⬇︎⬇︎⬇︎⬇︎⬇︎⬇︎⬇︎⬇︎⬇︎
20/03/2023 at 下午 2:39
Emily您好。我們一家三口，我與先生各自有bno, 女兒今年5月便18歲，打算今年9月去英國讀大學一年級。我們可否各人分開獨立申請Bno visa呢？最主要原因，係我曾有犯罪記錄（30年前，罰款少於$2000），我怕拖累佢哋。
21/03/2023 at 下午 1:39
你好TV，可以，只要你個女過左18歲就可以分開獨立申請。不過要記住，如果分開申請到時都係要分開申請永久居留。希望幫到你 🙂
03/10/2022 at 下午 5:07
你好，若我是BC，我太太持BNO ，女兒持特區護照。你之前提過18歳以下要與父母一同申請，想請問這情況下，我太太與女兒申請BNO Visa 有沒有問題？
08/10/2022 at 上午 1:49
你好Kelvin，無問題，不過如果你有BC，應該用回流方法申請太太與女兒，可能會快D。希望幫到你 🙂
18/10/2022 at 下午 5:00
你好! 我地一家三口上年暑假到埗英國，我先生係主申請人，女兒11歲，我找到一份工但要在香港工作，而雇主亦不能讓我兩邊走，所以我相信我滿足不到每年不得離開英國超過90日嘅要求，這個情況，為免影響我先生同女兒將來入藉申請，我可以單獨取消我嘅bno visa嗎？
18/10/2022 at 下午 8:45
你好Mimi，照現時條例解讀，18歲以下小朋友係必須連同父母一同申請永久居留，所以應該唔可以分開。詳情可以參閱這裡。
18/07/2022 at 上午 8:32
你好！ 我們一家的BNO VISA 巳批了，但基於某些原因，主申請人(太太) 需遲一步出發。 本人都是 BNO HOLDER，但與兩名小朋友變成 Dependent。 請問本人可不可以先行帶兩名小朋友出發到英國，然後太太可能一至兩個月後才出發呢？
謝謝
18/07/2022 at 下午 12:20
你好Lee，可以，不過有一點要提你，入境權係由入境處決定，拿到VISA唔代表完全過關。如果入境職員對你有任何疑問都可以即場取消你地簽證，所以我個人認為就唔好冒險，一家人一齊出發，搏唔過。希望幫到你。 🙂
13/07/2022 at 下午 7:33
你好，我兩夫婦會帶同兒子到英國定居，我兩位60+父母亦持有BNO，母親會以DEPENDANT 同去，但父親希望過幾年後才過來，他可否到時自己以BNO申請？還是仍然會影響母親入籍時間？
13/07/2022 at 下午 8:00
你好Aaron，你母親如果係做你兩夫婦的dependant就無問題，可以同你父親分開。希望幫到你 🙂
26/06/2022 at 下午 12:24
您好，請問如果我的太太擁有英國公民護照(97 年公務員家屬），我是BNO 護照, 小孩是特區護照。
可以點樣申請英國入境居留? 可否太太和小孩子先去，我一年後申請BNO visa?
謝謝你
28/06/2022 at 上午 9:44
你好Dave，如果你太太係BC，就可以帶小朋友一齊來英國，小朋友要申請UK family visa。你自己亦可以分開用BNO申請，但係5年後可否留英就要跟BNO VISA程序，同你太太無關。希望幫到你:-)
10/03/2022 at 上午 2:10
Emily 妳好！
本人在TB test 時不幸發現了肺癌,現正接受治療,情況穩定,打算繼續申請BNO Vsia.
想問,如本人（主申請人或成員身分）不幸地於5年內過身,其他家庭成員會被拒批成PR嗎？
另如太太與兩位小朋友一同申請,我自己另外申請有幫助嗎？
謝謝你的回覆
10/03/2022 at 上午 8:10
你好KK，根據現時法例，如果不幸於5年內過身係唔會影響其他成員，基於人道理由。BNO VISA更新後，有18歲以下小朋友的家庭已經唔可以父母分開申請。希望幫到你亦祝你早日康復 🙂
15/02/2022 at 下午 12:01
您好,請問可不可以先以旅遊簽證入境英國,之後才在境內申請轉成BNO VISA?
15/02/2022 at 下午 12:31
你好，官方來講，英國旅遊簽證係唔可以轉去任何其他簽證的。但係我最近見到好多group友share係facebook話佢地成功由旅遊簽證轉去BNO VISA，所以你都係要自己衡量，我個人建議就搏唔過。 希望幫到你:-)
21/02/2022 at 下午 2:19
Hi Emily, 本人和太太都是BNO holder, 大仔19歲在澳洲讀大學一年級（要讀四年）、二仔今年6月便18歳（今年9月很大機會到英國升讀大學）、三仔10歲，請問應該怎樣申請BNO visa 好呢？謝謝。
21/02/2022 at 下午 3:02
Hi CY Li, 因為你有一個10歲仔，以現時BNO VISA的要求，18歲以下需要父母一同申請，所以你得呢個唯一選擇。大仔同二仔因此要一齊申請。但個問題係你個大仔會有起碼三年唔係英國紀錄，到時有可能影響佢申請英國永久居留，要睇移民官俾唔俾，答唔到你。至於你二仔如果來英國讀大學就無問題，拿了BNO VISA係英國讀書。希望幫到你 🙂
21/02/2022 at 下午 8:43
Hi Emily,
那即是否全部三個仔需要一起申請？可否二仔及三仔跟太太申請，而大仔跟我申請？倘若要全部仔跟父母一起申請，但大仔還有三年才能去英國，會否影響其他屋企人申請永居呢？謝謝。
21/02/2022 at 下午 9:17
唔可以分開申請，因為例已經改左，小朋友如果18歲以下需要同父母一齊申請，除非你可以證明父母只得一方係法定扶養人（例如離婚）。
如果全部人一齊申請，但係大仔要三年後先去英國，現時就無完全講明，因為未有相關信息。但係經過我自己經驗同現時法例，我自己推測5年之後申請永久居留有以下可能：
1.移民官體恤你個仔係因為讀書而住不夠日子，通過你全家申請。
2.移民官通過所有符合資格的人，reject你個大仔。
3.移民官判定你個家庭簽證未符合資格，需要延期至全部人符合資格為止。
4.移民官直接reject你個家庭簽證，甚至無得延期。
切記，所有嘢取決於移民官，佢地都有權做任何決定。
21/02/2022 at 下午 10:53
Hi Emily,
若我們申請BNO visa 不包括大仔，他畢業後可用家庭團聚或工作為理由申請去英國嗎？多謝你的寶貴意見！
22/02/2022 at 上午 9:37
家庭團聚就基本上無可能，因為英國唔係移民國家，無呢類型（除非係健康問題，不能自理等等）。
工作就當然可以，但係都有很多條件要求，例如公司/工種/收入等等，唔係隨便就可以來英國工作。詳情可以參閱這裡。
22/02/2022 at 下午 12:05
謝謝你！
14/02/2022 at 上午 3:16
妳好。我和太太各自有BNO，未成年女兒沒BNO。請問(1)我可否先申請BNO VISA及帶同女兒先行去英國讀書? (2)隨後太太在我在英期間再自行申請BNO VISA? (3)直到我和女兒兩人住滿6年後先行申請入籍而不等太太可行嗎?
14/02/2022 at 上午 10:34
你好Ki，官網已經更新，如果小朋友係18歲以下就要同父母一齊同一時間申請，如果唔係要另行證明，詳情睇這裡
所以官方來講就好大機會唔可以分開申請。希望幫到你 🙂
15/02/2022 at 上午 4:39
謝謝。
13/03/2022 at 下午 3:13
Hi Emily,
請問18歲以下小朋友必需同父母一齊同一時間申請是什麼時候更新的？即就算父母都有BNO， 不可以父跟小孩子一齊申請，同時間母親另一個Application 申請（不當配偶dependent申請）？ 謝謝！
13/03/2022 at 下午 6:43
Hi Bonny，我都無留意確切時間，只係上一次睇條文就見到更新。詳細可以睇這裡
24/12/2021 at 上午 10:20
謝謝Emily, 我也問了英國，答覆是：Thank you for contacting UK Visas and Immigration International Contact Centre. The dependent will need to enter with the main applicant. 我再問可否用student visa，答覆是：With regards to your query, it will be under immigration officer’s discretion whether to cancel first visa and stamp a new one, or keep both.
24/12/2021 at 上午 11:05
多謝你Edward，提供並分享非常有用的資訊。我想知你用什麼方法聯絡佢地？我之前都想幫網友問問題，結果佢地話要收費。
21/12/2021 at 下午 4:14
Emily 您好，
我一家三口剛在2021年12月獲批BNO VISA
我：主申請人，
太太：無BNO
仔仔：BNO DEPENDANT。
目前三人一同於英國居住。
問題：我兒子不適應英國生活，打算回港。想請問此舉會否影響我及太太的申請？
謝謝。
22/12/2021 at 下午 12:38
你好Chris，這個問題好難答，因為係要睇到時移民官。我個人就覺得唔會影響，最重要係到時你要寫信去解釋，並且聲明你兒子自動放棄申請永久居留機會。 希望幫到你 🙂
08/02/2022 at 下午 12:12
Hi,
想問如果而家係配偶簽，準備申請續簽但係因為工作上嘅問題，合約就快到期所以未必用到呢個工作去申請續簽，請問可不可以轉做BNO如果可以之前嗰2.5年會不會計算在內？
08/02/2022 at 下午 12:46
Hi Jo, 只要你符合條件就可以轉BNO visa， 詳情參閱這裡。
至於你之前嗰2.5年要視乎你用邊一款簽證，按這裡有詳細列明。希望幫到你 🙂
15/12/2021 at 下午 2:34
Emily 您好，
我一家四口剛在2021年12月獲批BNO VISA，我：主申請人，太太：BNO VISA，子女：BNO DEPENDANT。我打算2023年中才和太太、女兒一同到英國居住。
問題：我兒子打算早一年即2022年9月到英國讀大學一年級，他可以自己用BNO DEPENDANT入境英國讀書而無需我(BNO主申請人)一同入境英國居住嗎？或他一定要用STUDENT VISA才可以自己入境英國讀書呢？謝謝。
15/12/2021 at 下午 6:18
你好Edward，現時英國官網無確切講明，但以我自己經驗是不可以，因為主申請人需要入境先，如果dependant入境先，好大機會被遣返而且註銷簽證。還有一點需要提醒你，你獲批BNO VISA之後要隔這麼久才來英國，基本上你在5年後是不符合申請英國永久居留。 希望幫到你。
按這裡了解永久居留所需要求
02/12/2021 at 下午 7:47
我一家6口, 只有我有BNO, 太太沒有BNO, 我同小朋友過去先，太太繼續在香港工作, 是否可以?
03/12/2021 at 上午 10:28
你好Alex，照現時官網就無明文規定，但係你需要考慮以下風險：
1.5年後會拒絕你地永久居留申請，因為你其中一個成員在英國無住夠所需時間（導致全部要續簽，現時無關於續簽細節）
2.你太太遲D有可能被拒入境，因為無同主申請人同時入境，英國入境處有可能懷疑佢唔係dependent（要知道入境處有權取消你個簽證，如果懷疑你）
呢句來自官網（近兩個月先更新）：“If you arrived in the UK at different times, those who arrived earlier will have to extend their visa until the last person to arrive has been here for 5 years.”
順便提一提，BNO visa 經常更新，所以我自己意見就係唔好搏，因為英國永久居留係非常難申請（以一個過來人俾意見）。希望幫到你:-)
23/11/2021 at 上午 6:30
Hi Emily,
我和丈夫也有BNO, 兩名女兒（1名19，1名13）正在英國讀大學及中學，本人與丈夫預備明年4月申請BNO Visa, 我和丈夫以apply outside the UK, 兩個女兒apply in the UK 可以嗎？如果Visa批出後，打算8月起程去英國，請問是否要兩女兒暑假回港再一同入境英國？又或只需我與丈夫一同入境英國，女兒們一直待在英國停待我們便可以？十分謝謝你無私的分享！
24/11/2021 at 下午 12:23
Hi Annue, 多謝你支持！照官方網站來解釋，你兩個女係要去申請轉VISA。個官網無確切解釋你呢個例子，所以我都好難搵到相關資料。以我個人理解大概流程係要你地兩個apply outside the UK，跟住過去英國，你兩個女先申請轉VISA （因為你兩個女已經有合法VISA）。咁樣就免去好多出入境麻煩。我會試下發email去幫你問下，但唔知幾時會收到回覆。如果收到我會立即post出來。希望幫到你 🙂
21/11/2021 at 下午 10:57
明白，再次多謝你的回覆。祝生活愉快 !
19/11/2021 at 上午 2:23
謝謝 Emily 的回覆。
如果是會再次正式結婚會否有幫助？
你所說的 dependent partner 只能逗留至我的 BNO visa 期限，意思是他不能 ride on 我的 BNO Visa 而申請 BNO visa ?
就好像是我成年的兒子一樣ride on 我的 BNO Visa 而申請獨立的BNO visa可能嗎·？
這一 part 不是太明白。 謝謝。
20/11/2021 at 上午 9:31
再次正式結婚應該有幫助，起碼有結婚證書去證明你地關係。dependent partner係base on你個visa，好似你個仔一樣。我只係想提你，呢一類簽證越來越難，唔係話批左俾你個仔就會批埋俾你老公。
18/11/2021 at 上午 3:04
你好 Emily，先謝謝你無私解答大家的問題。
我已經與兒子在7月份以BNO VISA 身份入境英國。申請BNO VISA 之前剛與前夫辦妥手續正式離婚。
如果我現在與前夫復合，想申請他來英國 (他不在香港出生也沒有BNO)，請問以現有條例可行嗎？
是應該當新伴侶(adult dependent) 狀況申請？
先謝謝回覆。
18/11/2021 at 上午 10:49
你好Mable，萬分感謝你支持。照現時情況來講係可以，你前夫要以dependent partner身份申請，而佢逗留限期會係以你個簽證為準（你批准留到幾時佢就會被批准留到幾時）。不過有一點要留意就係點證明佢係你dependent partner。近來dependent越來越嚴。 希望幫到你 🙂
26/10/2021 at 下午 10:41
您好！我兩夫婦都有BNO，有一子一女。大女17歲，現於美國留學，如我想先跟兒子申請BNO VISA，並早些動身移英，而太太則待女兒暑假回港後才申請，這是否可行？另外，若女兒想繼續留美完成學業，這又是否會影響全家未來申請永居英國？懇請回覆，謝謝！
29/10/2021 at 上午 7:57
你好，可以，你同兒子視為一個申請，太太就和女兒為一個申請，而唔係家庭申請。但係你女兒如果繼續留美就會影響5年後申請永久居留，但係只會影響你太太。有一點要留意就是這個visa係好可能不斷更新，所以好大機會有改變，要有心理準備。希望幫到你。 🙂
05/10/2021 at 上午 5:33
Hello Emily,
想請問，我一家四口，只有我有BNO visa，其他3位都是dependants， 已經在 21/9/2021申請獲批，準備今年12月入境英國，但我的兒子在香港正讀大學 COMPUTER SCIENCE 第3年，他想英國入境後即回港繼續讀到 2023 年畢業後才到英國定居。請問這會否影響他的 BNO VISA 簽證身份。（他查過，英國大學都要從大一開始，如果在英國都大學，會浪費了
在香港的兩年時間）， 謝謝。
05/10/2021 at 下午 8:45
Hello Ken，多謝支持，照你所講個情況就唔會影響BNO VISA，但係最大影響係5年後好大可能申請唔到永久居留，而要繼續續簽BNO VISA，而到時呢個VISA會唔會無左就好難確定。
30/09/2021 at 上午 12:26
你好Emily
有些問題想請教你，我同丈夫各自有BNO,我有3名18以下女兒，但由於丈夫父母年邁，他需要留港照顧倆老，不能夠和我們一起申請。而我們又不會離婚。
所以我想問問我可否自己做主申請人帶3名女兒前往英國？
如果可以我是否需要額外證明文件？
感謝你的幫忙！祝安康！
30/09/2021 at 上午 8:46
你好Chan Chan,
如夫婦二人各自有BNO身分，是可以分開申請，3名女兒以你作為主申請人來申請家庭簽證，無須額外證明文件。
將來你丈夫再以個人身分申請簽證。
謝謝！
26/09/2021 at 上午 8:54
你好，想問下我同我老公是沒有註冊沒有結婚證書，我地都有bno,但個女就冇，依家我是會同個女去先英國，老公就遲半年出發，咁情形想問下填visa個陣我是否答有穩定伴侶，定答單身？因為我地同居左3年其實都冇特登去改住址證明，所以驚提供吾到!同埋是否我開左個申請後在48小時內完成申請定填好資料比左$後既48小時內完成？仲有如果tb test香港地址同申請visa地址不同有冇問題？麻煩你!謝謝答覆
26/09/2021 at 下午 12:02
你好，我會建議你以單身同個女申請去。我估你係想問你個女要幾時遞交申請，政府網站係話主申請人遞交申請之後48小時內要遞交附屬申請人申請，即係你完成你個申請流程之後計48小時，因為附屬申請需要遞交主申請人的申請號碼。至於地址唔同我就俾唔到意見你，因為我長期生活係英國。你可以打去D 檢測中心問下，按這裡有電話號碼。 希望呢D信息可以幫到你。 🙂
14/09/2021 at 上午 9:49
您好, 想請教如果我同太太都有BNO, 3名子女冇BNO
大女就快讀完本地大學, 二仔仲要讀多兩年大學, 細仔諗住2022年考完DSE報英國大學但到時仲未夠18歲, 我地應該點申請BNO最恰當, 麻煩曬!
14/09/2021 at 下午 7:28
你好Andrew，你最主要個問題係D仔女如何升學。我覺得你需要去解決二仔先，睇下有無英國大學俾佢可以過來承接，又或者留級一年（好大可能要考IELTS）。如果有，你就可以等個大女讀完大學，一家人一齊申請BNO簽證來英國，到時細仔再考慮點報大學，有可能要考A-level同IELTS。 希望幫到你作決定 🙂
06/09/2021 at 下午 8:20
您好，我同我太太都持有BNO但沒有子女，想詢問現在我們如果申請BNO 簽證但我們這數年要經常要英港兩邊走可能不能滿足簽証下居住日數，另外我們已在英國置業，這樣我們將來續簽証時移民局會否不再批簽証給未住夠日數人仕？還是這數年用旅遊證件入境安全啲？萬分感激！
07/09/2021 at 上午 6:58
你好Ken，如果5年內居住日子唔夠數就一定申請唔到永久居留。至於到時可唔可以續簽證就暫時未出，亦都暫時無其他簽證可以轉。有一點需要提就係有好多人就算夠資格都未必批永久居留，永久居留係比較難簽，所以你最好有所準備。 🙂
05/09/2021 at 上午 10:21
你好！
父母雙方都有BNO，有2名子女，分別16及12歲。
如果其中一方以family申請帶同子女到英國，而配偶唔申請到英可行嗎？
因family申請是以家庭作基礎，如果配偶唔申請BNO visa 會否影響子女逗留或入籍？
如主申請人5年後還未入籍，子女已夠18歲，可否單方面申請個人入籍嗎？
05/09/2021 at 上午 10:35
你好spongebob，可以，如果得一方+小朋友以家庭簽證就會以單親形式，記住5年之後夠資格申請永久居留都只係得家庭簽證內人員可以申請，既係留港一方係無資格申請。仲有一樣，5年後係唔可以入籍。入籍要求係同BNO visa無關，要入籍係要獲得永久居留之後再逗留1年之後先可以符合資格。5年之後你地要一齊申請永久居留，獲取之後你地就會被視為單一個體，亦都可以分開去申請入籍。希望呢D信息幫到你。 🙂
04/09/2021 at 下午 10:56
想問如果主申請人與太太，子女一同申請BNO Visa, 主申請人最終只能滿足永居要求的居住日數，成家攞到永居後，但主申請人未能滿足申請入籍的居住日數，會否影響其家人5年永居後，的1年入籍要求呢？
05/09/2021 at 上午 7:06
你好 Cathy，現時來講，家庭簽係彼此都會影響大家，其中一人唔夠都會影響其他人。呢個影響只係於永久居留，唔會影響入籍（入籍只係受永久居留影響）。
03/09/2021 at 上午 7:51
Hi Emily, 想請問本身我太太係BNO Holder主申請人, 我(HKSAR) 同2個細路(10/7歲)係dependent身份,當時一齊申請BNO家庭Visa, 如果我帶2個細路先入英國境, 太太只係遲2日先入境可以嗎?
03/09/2021 at 上午 10:18
Hello Steven，我本人就非常唔建議分開入境，因為現時為止無明文規定，所以一切決定權係出入境。 仲有因為5年後要申請永久居留係要睇成個家庭visa成員，萬一有問題，因為2日而申請唔到又或者要你申請多次VISA就麻煩。只係2日就無謂去冒呢個險，大家一齊出入有個照應。仲有一樣要記住，出入境大過天，佢如果懷疑你，佢就有權唔俾你入，跟住可以取消你個VISA。所以我唔建議分開入境。希望幫到你 🙂
31/08/2021 at 上午 5:30
Hi Emily
剛才 Anakin wai 再補問
如果我舅仔夫婦 (舅仔是Bno. Holder, 佢太太唔係）
如果一定要同時申請，但是，可否前後腳去英國？
即舅仔先去安頓好，佢太太可能半年至一年後才去？
Thanks
31/08/2021 at 上午 3:17
Hello Emily:
我case非常簡單，我倆夫婦都有BNO passport,無子女，只有我倆夫婦二人，我哋夫婦可否分開獨立申請？我打算我自己先去英國安頓好先，再半年至一年後太太才嚟英國，可以咁樣申請嗎？
另外，幫人問，我舅仔夫婦也是無子女（我太太弟弟夫婦）只有舅仔有BNO, 佢太太無BNO 只有特區護照，這樣，佢兩夫婦是否必須同時申請？可否分開，佢也想在英國先安頓好，太太才過去，可行嗎？
待覆，無限感激
31/08/2021 at 上午 9:38
Hello Anakin, 答案係可以，我個人亦提倡分開申請。不過要記得5年之後申請永久居留都係要分開申請。至於你舅仔就唔可以分開申請亦都唔可以分開進入英國（切記佢太太要係佢遞交申請後兩日內遞交，超過兩日會好麻煩）。家庭簽證亦最好一齊入境，如果唔係5年之後要申請永久居留就會有麻煩，其中一個住唔夠5年都可能有影響。希望可以幫到你。:-) 如果有唔明你再問。
31/08/2021 at 下午 12:05
Thanks a lot
28/08/2021 at 下午 3:59
Hello Emily,
您好！
我在去年十月以 LOTR 入境英國並於今年二月成功申請到 BNO Visa，現時在英國工作，我有一個認識了多年的女朋友在香港，因為她從小便由中國內地移居到香港，所以祇持有特區護照，如果我想申請她來英國一齊生活，我可以在 Home Office 的哪個網頁申請，而詳細申請方法及程序可以在哪兒取得？如果可以，請給我相關的網頁連結作參考。謝謝！
28/08/2021 at 下午 5:56
Hello Derek，你女朋友要用你個BNO visa application number去申請做你個dependant。 但係有一點要提你，BNO visa配偶係要同時申請，所以你個申請機會唔高，要有心理準備。你可能要解釋係拿到BNO visa之後先識呢個女朋友而要申請佢過來。
詳細可以按這裡
以下內容就係取自英國政府網站。
If your partner or child cannot apply within 2 days
If your partner or child under 18 cannot apply within 2 days of you, they might still be able to apply later as your dependant. This will only be allowed in cases where they could not apply when you did, for example if:
you start a new relationship when you have a BNO visa
your child was born after you got your BNO visa
your partner cannot travel when you apply, for example because of medical needs
They may be asked to give evidence to show they could not apply within 2 days of your application. Your visa must still be valid when they apply to be your dependant.
27/08/2021 at 上午 9:07
Emily,
你好, 我們倆夫婦都有BNO,但兒子無並已21歲,應該如何申請最理想? 計劃想分開去英國
27/08/2021 at 上午 10:02
你好Louisa,
建議你夫婦二人分開申請，兒子跟隨其中一方以家庭簽證申請為受養人。這樣，將來申請長期居留較方便。
23/08/2021 at 上午 3:38
請問我同太太都有BNO, 能否我太太帶小朋友先申請bno visa, 之後過幾年我才自己申請bno visa 呢？
分開申請是否可以？
如果能分開申請，是否計5+1也會分開計？
23/08/2021 at 上午 9:05
Hello Jason, 可以分開申請。 如果分開申請BNO VISA， 5年之後你地都要分開申請永久居留。 申請到永久居留之後你地可以等埋一齊申請入籍。
18/08/2021 at 下午 12:45
你好。我們夫婦二人及兩名超過18 歲子女均有BNO, 我們可以各自分開申請嗎？還是合併申請較有利？謝謝你啊！
18/08/2021 at 下午 4:37
你好Venus，我本人就覺得各自分開申請好D，因為唔會俾任何人影響。5年之後亦都唔使等齊人申請永久居留，萬一有人唔想申請都唔會影響其他人。希望我個意見幫到你:-)
11/08/2021 at 上午 4:35
你好emily!
想請問如果父母都有BNO,大女17歲,小兒14歲 母親作主申請人,用Family申請.如果個女現在去了其他地方讀書學(加國),
1)5年後父母及小兒成功申請了永居,女兒在加完成大學可用什麼方式申請到英國？
2)女兒申請時(在加國是不用TB Test),網上填表時是否留空便可,另外她於國外網上
填表時有什麼要注意?
3)母親及兒子住了5年而父親不夠, 母親及兒子是否可申請永居不受影響?
4)小兒5年後滿18歲,是否可自行申請永居而不受主申請人影響?
11/08/2021 at 上午 8:23
你好亞成，
1.沒有其他簽證適用。
2.申請BNO簽證，都必須提供有效的TB test（不論會否入境）。
3.假如父親未能同時入英國，建議夫婦二人分開申請簽證（例如：母親＋孩子們申請家庭簽證，父親申請個人簽證）
4.必須主申請人合資格申請居留權，其他成員才可申請。
09/08/2021 at 上午 11:10
你好,我都係一樣有同上的問題,不過想問得清楚D,夫婦(本身擁有有效BNO)+一個9歲小朋友,如果分開申請去英國,即係媽媽+仔過去先,爸爸要辦好公事先會過去(大概2年)，咁樣媽媽同仔可以係5年+1年後同樣申請公民身份?定都要等埋爸爸一齊過到黎先可以計算5+1申請？謝謝🙏
09/08/2021 at 下午 1:24
你好Suki，可以，但係記得申請時係媽媽+仔用BNO家庭簽證。爸爸就要以個人申請。
08/09/2021 at 上午 6:05
你好，我個case都類似係咁，夫婦都有BNO，但有兩個18歲以下子女。我係咪可以各自以1大+1小家庭方法申靖BNO visa，並於唔同時間申請，之後各自以5年+1年申請公民身份。但如果咁樣，我地之後在英國既身份重算唔算一個家庭?
08/09/2021 at 上午 11:41
你好Derek，大致正確，5年之後你地要分開申請永久居留。 大家拿到永久居留之後就可以等埋一齊去申請入籍，又或者分開申請入籍都得。係英國無特別分辨家庭身份與否，所以無影響。至於如何分辨，通常係睇你地是否用同一個地址。希望幫到你 🙂
08/08/2021 at 下午 6:30
你好。就之前的問題我還是有點不太肯定：根據英國政府網頁，18歲以下子女和父母都要居住滿5年才能一同申請永居⋯ 請問我之前的想法是否還可以做到呢？謝謝🙏
08/08/2021 at 下午 8:44
Hi Patrick，你應該有少少誤解，政府係話個家庭簽證入面所有人都要居住滿5年先可以。你個情況係你太太同小朋友係用家庭簽證，你自己係分開用個人簽證，所以兩者係無抵觸。如果全部人一齊用家庭簽證係要一齊到步，唔可以分開來英國。:-)
11/08/2021 at 上午 4:56
你好Emily
還有一個問題，如女兒因在外國讀書而不能同時入境有否可以?
11/08/2021 at 上午 8:25
英國入境處並沒有列明必須一同入境。
05/03/2022 at 上午 7:04
你好emily，想再問清楚少少。我和太太都有BNO，小朋友10歲，假若我打算遲1年才出發，是不是應該太太＋小朋友申請家庭簽證而我亦同一時間獨立申請嗎？這樣做，5年後太太和小朋友已可申請永居？
06/03/2022 at 上午 12:48
你好Joe，BNO visa已經更新，18歲以下小朋友係必須連同父母同一時間申請，唔可以再分開申請，除非係可以證明小朋友只有單一贍養方，例如離婚。希望幫到你 🙂
09/03/2022 at 上午 3:32
你好，我個女個 Passport 因為換咗個新嘅，所以開咗個新 account 嚟申請（未填 declaration）。而主申請人填咗佢個舊 Passport 嘅 Number， 申請人個 application 俾咗錢，未有 upload evident。請問我而家應該點做？
09/03/2022 at 上午 10:36
你好Robby，據我所知，副申請人只需要主申請人個application number。只要主申請人申請左，兩日內將個application number填落去副申請人個application form就得。
你到時upload evident時記得submit兩本護照（新和舊）。最好附上解釋點解要係申請途中更換護照。 希望幫到你 🙂
07/08/2021 at 下午 4:53
非常感謝🙏
07/08/2021 at 下午 2:59
你好。想請教我和太太已有BNO passport，計畫太太和13歲女兒先申請 BNO visa 並一同到英國定居，我2年後才申請。5年後女兒便18歲，請問她是否便能跟太太一同申請永居，再1年後便可以申請入籍？而不需要等我到英國居住5年？謝謝妳。
07/08/2021 at 下午 3:37
你好Patrick， 正確，只要你太太（主申請人）合資格申請永居，你的女兒亦同樣可以申請。同你無關係，因為你係以單獨VISA申請。
01/08/2021 at 上午 7:30
你好，我既情況係咁，本身我離左婚，擁有小朋友既管養權，而剛剛亦再婚了。我同新任丈夫都有BNO資格！請問我地申請bno visa時，應該分開申請，還是一個做主申請人申請比較好？
01/08/2021 at 下午 6:07
你好Ting，其實兩樣都可以。如果分開就自由D，因為如果有什麼萬一都唔會太大影響（例如離婚）。
30/07/2021 at 下午 4:53
想請教如果父母都有BNO, 大女16歲, 用 family 申請. 但如果個女讀大學時去了其他地方讀大學 (如 德國) 跟住在 3-4年後再返英國繼續申請永居 ，可唔可以？
31/07/2021 at 上午 10:23
Hello Win, 根據你所講的資料，你個女去左其她地方讀大學既係屬於自動放棄左BNO visa，因為BNO visa轉PR係一定需要5年居住期，中間斷左就要重新簽過。
25/07/2021 at 上午 11:03
想請教如果父母都有BNO, 有個女16歲, 用 family 申請. 但如果個女讀大學時去了其他地方 (如 Canada) 跟住在 Canada 留低 . 會否影響父母5年後申請永居 ?
27/07/2021 at 下午 6:53
Hi Shuim,
根據你所講的資料，只有你個女放棄繼續使用簽證到其他地方生活，而主申請人並沒有。到5年後，只有你個女申請唔到永居。
22/07/2021 at 上午 12:16
Hello Emily, 想請教如夫妻二人都有BNO, 沒有子女，是否可以分開獨立申請，不必以家庭單位申請？那就可以一方先出發安頓好，另一方才去？因為網上看到的多是有子女的案例，沒有太多我這類問題，所以想問清楚，謝謝
22/07/2021 at 上午 8:05
你好Heison, 英國政府對同時擁有BNO的夫婦是沒有限制。只要各人合乎簽證要求，是可以選擇二人分開申請和入境。
17/08/2021 at 下午 7:00
Hello, Heison, 我在網上也是找到很多子女的案例。所以有同樣問題， 找到答案真的太好了！請問你是否已經申請左？另外，想問一下EMILY, 我本人打算在英國境內用app申請， 因為我現在在英國旅遊， 但太太在香港，如果我在申請bno visa 途中回港， 是否可以？因為我在想，我到底是apply outside UK or Apply in the UK? 謝謝你。 想聽下你的見解。
17/08/2021 at 下午 7:35
Hello Ben，Home Office有明文規定，如果你係英國申請，途中係唔可以離開英國境。如果你係英國境內申請，你要考慮自己有無home office個網站所提及所有文件 （例如住址證明等等）。詳情可以按這裡。 如果有就直接係英國境內申請，無謂出出入入，返到香港仲要隔離，到時來英國又要隔離。仲有如果係英國境內申請，你可以安頓好一切，太太來到即刻有得住。希望呢d信息幫到你。
18/08/2021 at 上午 6:51
Hi, Emily, 多謝你既信息！真係好有用。 易家係LONDON想問野都好難。好彩有你個blog! 另外想請問下，我現在是travel visa, 係咪根本唔可以係UK申請bno呢？因為本身我打算一路travel 一路申請BNO VISA.. THANKS. 同埋我睇左documents i need條link，想請教下，我用我London親戚個地址申請，但係難度會唔會好高？（我見要upto 3 documents, 同埋我只係黎travel, permanent home address 大部份都係香港). 我怕我根本唔可以做到係uk申請， 但我又怕我travel緊根本又唔算係applying outside the UK… 好矛盾
18/08/2021 at 上午 8:09
根據官方說法，Switching to BNO visa 係需要達到 “eligibility requirements” ，咩為之達到資格的要求？
例如：完成肺結核測試、已居住在英國、沒有犯罪紀錄等等
**以上資料係喱個網站搵到：https://www.sunrisesolicitors.co.uk/uk-work-visas/bno-visa-uk/switching
由於Visitor係入境時係冇被要求做肺結核測試，亦冇查詢你的犯罪紀錄，我估計要轉去BNO Visa係有困難。我諗你都係返香港搞簽證比較簡單容易。
18/08/2021 at 下午 6:46
Hello EMILY, 我今日諗左一輪， 同埋搞左一大輪點樣搞到個uk既address proof…由於我係特區護照入境，咁我如果apply in the UK, 我除左提供地址證明同埋bank statement 做evidence之外，我到時出唔出到境都應該無問題。You must not travel outside of the UK, Channel Islands or Isle of Man until you get a decision. ( https://www.gov.uk/british-national-overseas-bno-visa/apply-in-the-uk )
我用hksar PASSPORT 可以去一去歐洲，到visa批到，我再係歐洲用bno VISA入英國。唔知可唔可行呢？
地址證明我有個親戚話可以借我用，咁我易家打算點都搞左個地址先再諗埋呢兩日。
18/08/2021 at 下午 8:12
Hi Ben，你如果搞到住址證明就唔使出境。我唔明你點解要去歐洲，你如果去歐洲的話即係要英國境外申請，到時又要麻煩去當地簽證中心，感覺好似好麻煩好唔方便。
18/08/2021 at 下午 8:23
Hi emily, 其實主要原因係佢寫話must not leave UK before decision if i am applying in the UK. 你點樣理解佢呢句既意思？ 我係度諗，其實就算我易家身在uK, 都係用app申請， 其實佢會唔會verify我呢？
18/08/2021 at 下午 8:28
佢咁講既係你在申請期間唔可以離開英國直至到你拿到home office個答覆，所以你係唔可以去歐洲。
19/07/2021 at 下午 12:47
你好，我有一個比較複雜既問題，我去年12月一人來英，然後來月申請BNO Visa，已經批了，本來打算兩邊飛照顧現居香港既媽媽，但因香港政局不穩加上隔離時間太長，我希望將媽媽接來英國團聚，方便照顧。問題系當年媽媽只幫爸爸申請了BNO，自己沒有申請，而我爸爸已經離世，唔知仲可吾可以我以主申請人的身份幫媽媽申請bno visa？
19/07/2021 at 下午 7:41
Hello Scarlett,照home office個條文就係副申請人要係2日內用主申請人號碼申請，所以照理就唔得。不過我覺得你可以試下，不過要come up一個好好理由解釋點解唔可以係2日內申請。你亦可以用下面條link去問下。希望呢d信息幫到你 🙂
https://www.gov.uk/contact-ukvi-inside-outside-uk
16/07/2021 at 下午 12:10
Hi Emily – 想請教一下。本人持有BNO但太太沒有。若本人先申請BNO Visa 而太太連同兩名十八歲以下的女兒再以本人的申請編號在48小時內遞交申請，在這個前提下，太太（即非BNO持有人）可先帶兩名女兒先到英國，而我即主申請人可稍後（如一年後）再到英國會合他們嗎？期望你的意見和回覆。謝謝！
16/07/2021 at 下午 9:12
Hello Dave, 多謝你留言，我讀左好多次Home Office個guidance，佢完全無提及你個情況。所以最後決定權會係海關度。有一點你要留意就係海關決定權大過任何簽證，就算你有簽證而海關懷疑你，都有權即場踢你走。所以如果主申請人無出現而引起海關懷疑就麻煩。 仲有一點home office有提及就係，5年後申請永久居留係以主申請人來決定，你遲一年來即係個5年簽證會唔夠，到時所有人都要申請簽證延期直至你住夠5年可以申請永久居留。最大問題係我暫時未見到任何關於申請延期BNO簽證詳情。我個人意見就唔係幾值得，都係等齊人，費事入境或5年後申請永久居留出現問題。到時就真係神仙都難救 🙂
你如果有時間可以入這裡去瀏覽下個Home Office 個guidance。
以下資訊來自26 – 27 頁。
希望呢D信息幫到你
16/07/2021 at 下午 10:08
真心感謝你的回覆和意見！我會好好考慮清楚合適的途徑。
05/07/2021 at 上午 4:10
Hi，Emily。想問下我和太太各自有BNO Passport，有一個女兒（13歲）。太太可否帶女兒申請BNO visa（即是她為主申請人）到英國，5+1入籍？而我就留港將來用自己身分申請BNO visa。網上有人說，未滿18歲的小朋友一定要跟family申請，即係要有父母，才可以5+1入籍，是否對嗎？
05/07/2021 at 下午 9:06
Hello Ryan, 跟family申請並唔係指全家，係要以家庭形式申請，即跟父或母（如果雙方都有bno）。所以你個女係可以跟媽咪一齊申請，同你分開。到時申請永久居留都係一樣，同你分開申請。
02/07/2021 at 上午 10:27
想問下我和老公各自有BNO Passport, 我和仔仔 (12歲) 先申請BNO Visa過去定居, 老公兩年後先出發。咁我仔仔5+1之後夠18歲, 佢可唔可以自己申請永居? 定還是都要等我老公夠5+1 佢先可以申請?
02/07/2021 at 上午 11:11
Hello Chole，你仔仔跟你申請BNO VISA係同你老公完全無任何關係。5年之後你個仔仔要申請永久居留係要跟BNO主申請人（即係你）。補充一樣，永居係5年，5+1係指入英國籍，以為如果要入英國籍要係拿到永久居留之後再住一年先可以申請。希望呢D信息幫到你 🙂
01/07/2021 at 上午 9:23
我想問下申請BNO Visa入境，主申請人可否比dependent遲到英國？
01/07/2021 at 下午 1:21
你好Ms Lee, 基本上申請指引內並無說明唔可以分開出發。
但有提及過申請長期居留時，Dependent必須與主申請人一同申請，咁係你既情況下，
由於主申請人較遲入境，所以Dependent住夠5年時，主申請人仍未到5年資格，
因此Dependent無法申請長期居留而VISA到期既情況下，須要續期直至主申請人申請居留為止。
27/06/2021 at 下午 12:24
你好，想請問如果只有我有bno，老公無，而老公因為工作問題需要遲一年先出發，老公係咪同我一齊申請bno visa？我作為主申請人先帶兩個小朋友到英國，我夠5年老公未夠，我同子女係咪都可以申請永居？如果老公一開始陪過嚟十幾日幫手安頓，之後返香港，一年後再過黎，會唔會當佢離境超過180日影響申請永居？
27/06/2021 at 下午 3:23
Hi Vivian, 5年內出境日數不能超過450天，同時每年出境不能超過180日。假如超過，係咁既情況5年後，只有你同小朋友合資格申請，而你老公係BNO簽證失效時，因為未能申請永居，因此佢就需要重新申請簽證，直至佢攞到永居為止。
13/06/2021 at 上午 10:26
我仍有一些疑問，我與先生均為合資格BNO持有人，如我與兩名未滿18歲子女先到英國，我先生3年後才前往，是否也需同時申請BNO visa？
13/06/2021 at 下午 5:33
你好Iris， 以下兩個options希望答到你的問題：
1.一家人一齊申請，但係如果老公3年後先前往英國。以我自己理解，呢個比較冒險，到時你申請永久居留就可以有好多問題，隨時唔批。
2.老公分開用自己身份申請BNO visa，三年後再自己入英國從而計5年。即係慢你地三年申請永久居留。
不過你最好都係自己去諮詢下Home Office穩陣D 🙂
30/05/2021 at 下午 11:42
Hello Emily, 非常感謝妳詳細嘅回復。另外，我都想請問一下, 因為我本BNO已過期, 是否最好需要申請一本新嘅, 之後再去申請BNO visa 會好啲呢? 而申請BNO visa一般要多久？唔該曬妳^^
31/05/2021 at 上午 11:53
英國內政部個網站就話唔需要，可以用特區護照，唔使一定要用BNO。但係依家傳聞香港政府見到你特區護照上面有BNO簽證可能唔俾你出境。呢個情況就真係俾唔到答案你。至於BNO visa就大概最多12個禮拜就會批。
02/06/2021 at 上午 3:34
唔該曬妳!!
30/05/2021 at 下午 12:27
多謝妳嘅回覆，請問如果用配偶身份申請，可以點樣申請？是否太太都需要一齊去英國生活？因為我地嘅planning 係我同小朋友過去先，太太繼續在香港工作，如果咁樣喺咪就唔可以用配偶身份申請呢？ thank you
30/05/2021 at 下午 1:15
Hello Edwin, 唔好意思，我頭先再對比下兩種簽證，覺得都係BNO對你有著數D，基於以下幾點原因：
1.你可以自己申請，而且你自己可以控制，如配偶（即係主申請人）有任何變動（離婚/配偶死亡等），你的配偶簽證會無效。
2.兩種簽證都係要求你住夠5年，一夠5年便可直接自行申請長期居留。
3.就算五年後用BNO申請永久居留失敗，仲有配偶簽做backup，跟住唔使住5年，因為你已經住左5年。
4.用BNO唔會影響你老婆，你地可以分批來英國，或者分開兩地。
30/05/2021 at 上午 3:59
您好，請問如果我的太太和小朋友都是擁有英國公民護照，只有我是BNO 護照, 可以點樣申請英國入境居留? 是否同樣需要申請BNO visa? 唔該曬, 麻煩曬!
30/05/2021 at 上午 10:15
你好Edwin，你呢個情況最簡單係用配偶身份申請，好快就可以拿PR，BNO太耐。：）